Ամերիկյան Time ամսագիրը 2020 թվականը հայտարարել է վատագույն տարի: Համապատասխան համարի շապիկը տեղադրվել է հրատարակչության Twitter-ում դեկտեմբերի 5-ին:
Կինոքննադատ Ստեֆանի Զախարեքը հայտարարել է, որ չնայած Միացյալ Նահանգների պատմությունը շատ ավելի դժվար տարիներ է ունեցել, բայց համարյա ոչ ոք ներկա ապրողներից նման բան չի վերապրել՝ նկատի ունենալով կորոնավիրուսի համավարակը:
«Իմ՝ որպես կինոքննադատի գործը ֆիլմեր դիտելն է և դրանք կապելը աշխարհին և մեր կյանքին: Եթե 2020 թ.-ը հակաուտոպիայի մասին ֆիլմ լիներ, ապա, ամենայն հավանականությամբ, այն անջատած կլինեինք 20 րոպե անց: Այս տարին նույնքան չարագուշակ էր, որքան հորինված ապոկալիպսիսը», – եզրափակել է Զախարեքը: