«Որ կողմ ուզում ես շրջվիր, քաղաքականությունը հետապնդում է քեզ և թափվում է գլխիդ կամ ընկնում ես նրա փոսը: Այս պահին մենք գործ ունենք ազգային աղետի հետ, հնարավորինս պետք է արագ դուրս գալ այս իրավիճակից: Վարչապետը պետք է հրաժարական տա, նա պարտության սիմվոլ է: Ենթադրում եմ, որ նրան տեսնելով՝ մեծ թվով մարդիկ դեպրեսիայի մեջ են ընկնում: Պետք է մի բան փոխվի, որ մարդիկ կարողանան գնալ դեպի լույսը»,- այս մասին «Առաջին լրատվական»-ի հետ զրույցում ասաց երգահան, Ազգային ժողովրդավարական բևեռի նախաձեռնող խմբի անդամ Եղիշե Պետրոսյանը՝ անդրադառնալով հարցին, թե այս գերլարված մթնոլորտի հանգուցալուծման ինչպիսի ճանապարհ է տեսնում:
«Այս խնդրի լուծումը քաղաքական է, չնայած պարտվելուց հետո ճիշտ ժամանակին հրաժարական տալն էլ մշակույթ է»,- նշեց «Հայաստանի փոքրիկ երգչներ» երգչախմբի գեղարվեստական ղեկավար Տիգրան Հեքեքյանը: Նրա խոսքով՝ Նիկոլ Փաշինյանն արդեն ճնշված, ընկճված կերպար է. նա պարտված է և շատերի կարծիքով անհրաժեշտ է, որ նա հեռանա:
«Կարին» ազգագրական երգի-պարի խմբի հիմնադիր Գագիկ Գինոսյանը հակադարձեց, նշելով, որ Անվտանգության խորհրդի նիստին Նիկոլ Փաշինյանը պարտվածի կեցվածք չուներ և հետաքրքիր ճամարտակելով՝ բոլորի հարցերին հակադարձում էր, խորքային պատասխան չէր տալիս:
«Նիկոլ Փաշինյանը պարտվածի հոգեբանությամբ չէր իրեն պահում, դա ակնհայտ էր, նա բառացի ասաց, որ ինքը չի պատրաստվում հեռանալ: Եվ իր պատճառաբնությունը, որ չի հեռանում, այն է, որ նախ՝ իր ստացած քվեներն է պաշտպանում, երկրորդ՝ չի հեռանում, որպեսզի ավելի շատ ցնցումներ չլինեն»:
Մանրամասն՝ տեսանյութում: