Վրաստանում COVID-19-ով նոր վարակվածների օրական աճն առաջին անգամ գերազանցել է հինգ հազարը:
Ըստ COVID-19-ի դեմ պայքարի միջգերատեսչական խորհրդի օպերատիվ շտաբի պետի տեղակալ Բերդիա Սիչինավայի, մեկ օրվա ընթացքում հաստատվել է 5068 նոր դեպք (որի մոտ 40%-ը՝ Թբիլիսիում), ապաքինվել է 2336 մարդ:
Երկրում COVID-19-ի հաստատված դեպքերի ընդհանուր թիվը 152.704 է, ապաքինվածներինը՝ 126.904:
COVID-19-ից մահացածների թիվը Վրաստանում աճել է՝ հասնելով 1425-ի: Կորոնավիրուսային վարակի հետևանքով առաջացած բարդություններից մահացել է ևս 38 հիվանդ:
Երկրում գրանցված է COVID-19-ի 24.349 ակտիվ դեպք, 1.070 ծանր հիվանդ, 476-ը միացված են արհեստական շնչառության սարքի: