Հայտնվել ենք ավելի վտանգավոր միջավայրում. անվտանգությունն ապահովող մարմինը՝ ՀԱՊԿ-ն այսօր քննարկում էր, թե ինչ հաջողությամբ է ՀԱՊԿ-ը ապահովել այս նոր իրավիճակը Լեռնային Ղարաբաղում: Այս մասին «Առաջին լրատվական»-ի հետ զրույցում ասաց Գերագույն խորհրդի նախկին պատգամավոր Ազատ Արշակյանը՝ հավելելով, որ պատերազմը չի ավարտվել, և Հայաստանը պետք է մտածի իր անվտանգությունն ապահովելու մասին:
Քաղաքագետ, «Հանուն հանրապետության» ԺՊԴԿ անդամ Ռոբերտ Ղևոնդյանը հավելեց, որ ՀԱՊԿ-ի համար սա հաղթանակ էր, ոչ թե պարտություն, քանի որ ՀԱՊԿ-ի անդամ գլխավոր պետությունը կարողացել է ընդլայնել իր աշխարհագրական լայնությունը. «Մասնավորապես Ադրբեջանի և Արցախի տարածքում ռազմական ներկայություն է ապահովել և Արցախի ապագայի հետ կապված ավելի հաստատուն ու առանցքային դեր է ստանձնել: Եթե մինչ այժմ Արցախի հետ կապված գործընթացները վարում էր Մինսկի խումբը, ապա հիմա պետք է հաշվի նստել այն իրողության հետ, որ Արցախի ապագայի հարցում վերջնական խոսքն ասելու է ՌԴ-ն: Եվ Արցախը կարծես թե ոչ թե դժգոհ է, այլ գոհ է այսպիսի զարգացումից, իսկ սա նշանակում է, որ ՀԱՊԿ-ը հաղթել է»:
Հայ ազգային կոնգրեսի վարչության անդամ Սարգիս Թամազյանի խոսքով՝ հետագա զարգացումների մանդատը Հայաստանի ձեռքին է, և այս վիճակից ելնելու համար պետք է կազմակերպել լեգիտիմ ընտրություններ: Հայաստանի խնդիրները լուծվելու են Հայաստանում
«Ինչ վերաբերում է ՀԱՊԿ-ին, մեր քաղաքական ուժը երբևէ կարևորություն չի տվել: Մենք Ռուսաստանի հետ ունենք փոխօգնության պայմանագիր, և որտեղ մեր շահերը համընկնեն, այդ պայմանագիրն աշխատելու է»,- նշեց Թամազյանը:
Մանրամասն՝ տեսանյութում: