Հավաքական անվտանգության պայմանագրի կազմակերպության մասնակից երկրների ղեկավարներն առաջարկել են ՀԱՊԿ-ի, ԱՊՀ-ի, ՇՀԿ-ի, ԵԱՀԿ-ի, ՆԱՏՕ-ի և ԵՄ-ի ներկայացուցիչներին հանդիպել` քննարկելու երկրների անվտանգության ռազմավարությունը: Այս մասին գրում է ՌԻԱ Նովոստին՝ հղում կատարելով կազմակերպության Հավաքական անվտանգության խորհրդի նիստին հաջորդած համատեղ հայտարարությանը:
Ղեկավարները շեշտեցին, որ ամեն մեկի անվտանգությունը կապված է մյուսների անվտանգության հետ: Ըստ քաղաքական գործիչների, ՀԱՊԿ-ը նման միավորող մոտեցումն օգտագործում է հակամարտություններից, ազդեցության ոլորտներից և տարբեր մակարդակներով անվտանգության գոտիներ ստեղծելու անհրաժեշտությունից զերծ աշխարհ ունենալու համար:
«Այդ կապակցությամբ մենք առաջարկում ենք կազմակերպել ՀԱՊԿ, ԱՊՀ, ՇՀԿ, ԵԱՀԿ, ՆԱՏՕ և ԵՄ լիազոր ներկայացուցիչների հանդիպում՝ քննարկելու այդ կազմակերպություններում ընդունված անվտանգության ռազմավարությունները ՝ որպես անվտանգության անբաժանելի տարածության ձևավորման առաջին քայլ», – ասված է հայտարարության մեջ:
Հանդիպման հնարավոր ամսաթիվը և վայրը չի նշվել:
