Եթե Հայաստանը հիմա էլ չի ճանաչում Արցախը, նշանակում է՝ կասկածում է ռուսական ռազմական օգնությանը

Այսօր տեղի է ունեցել Հավաքական անվտանգության պայմանագրի կազմակերպության անվտանգության խորհրդի նիստը անդամ պետությունների ղեկավարների ձեւաչափով: Նիստն այս անգամ անցկացվում է առցանց: ԱԽ նիստը գլխավորում է ՌԴ նախագահ Վլադիմիր Պուտինը: ՀՀ վարչապետ Նիկոլ Փաշինյանն իր խոսքում անդրադարձավ հետպատերազմական իրավիճակին, իրականացվող քայլերին, ՌԴ օգնության իրականացվող գործողություններին ու հրադադարի մասին հայտարարության կազմմանը: Հայկական կողմի համար անհետաձգելի է գերիների ու աճյունների փոխանակման հարցը, ՀԱՊԿ գագաթնաժողովում հայտարարել է Հայաստանի վարչապետ Նիկոլ Փաշինյանը։ Անդրադառնալով մեկուկես ամիս Ղարաբաղում շարունակված պատերազմին՝ Հայաստանի վարչապետը երախտիքի խոսքեր է հնչեցրել Վլադիմիր Պուտինի հասցեին: Արտաշես Խալաթյան Ի պատասխան վարչապետ Նիկոլ Փաշինյանի ելույթի՝ ՌԴ նախագահ Վլադիմիր Պուտինն արձանագրեց, որ իրենք հասկանում են եւ տեղյակ են, թե որքան բարդ իրավիճակ է ստեղծված Հայաստանի համար: Քննարկվում են ՀԱՊԿ բոլոր անդամների եւ ԱՊՀ երկրների մասնակցությունը հումանիտար աղետի վերացման գործում:Նա շեշտեց, որ ՀՀ վարչապետը կայացրել է որոշում, որը չափազանց ծանր է տրվել, սակայն ստեղծված իրավիճակում եղել է անհրաժեշտություն, եւ ՀԱՊԿ անդամ երկրները ըմբռնումով են մոտենում որոշմանը: Ըստ Պուտինի՝ հայկական կողմը ծանր ժամանակներ է ապրում, իսկ կայացված որոշումը մեծ տղամարդկություն էր պահանջում եւ ունի նաեւ մեծ պատասխանատվություն: Ռուսական կողմը պատրաստ է եւ անում է հնարավորը՝ հայ ժողովրդին ու Հայաստանին անհրաժեշտ օգնության տրամադրման համար եւ աջակցում վարչապետ Փաշինյանին ու նրա թիմին: Թեմայի շուրջ «Առաջին լրատվական»-ը զրուցել է սահմանադրական և միջազգային իրավունքի մասնագետ Արտաշես Խալաթյանի հետ: