Knowledge Action Change (KAC), բրիտանական հանրային առողջապահական կազմակերպությունը, հրապարակել է նոր զեկույց աշխարհում ծխախոտի վնասի նվազեցման վերաբերյալ: «Ծխախոտի Վնասի Նվազեցման Գլոբալ Վիճակը» (GSTHR) քարտեզագրում է պակաս վնասակար նիկոտինային արտադրանքների (SNP) համաշխարհային, տարածաշրջանային և ազգային մատչելիությունը և օգտագործումը, այդ ապրանքների օրենսդրական կարգավորումները և ծխախոտի վնասի նվազեցման հանրային առողջապահական ներուժը:
Ծխախոտի վնասի նվազեցման հայեցակարգը աջակցում է մարդկանց հրաժարվել ծխելուց օգտագործելով ավելի պակաս վնասակար նիկոտինային արտադրանքներ, ինչպիսիք են էլեկտրոնային սիգարետները, ծխախոտի տաքացման համակարգերը և ծամելու ծխախոտը (snus): Այն նպատակ ունի բարելավել բնակչության առողջությունը և նվազեցնել մահացությունները՝ մարդկանց հնարավորություն տալով օգտագործել նիկոտին առանց այրման պրոցեսի։ Հայտնի է, որ ծխելով պայմանավորված հիվանդությունների հիմնական պատճառը այրումն է ու դրա արդյունքում առաջացած ծուխը։
Զեկույցում հեղինակները խոսում են պակաս վնասակար նիկոտինային արտադրանք օգտագործողների ընդհանուր թվաքանակի մասին, և եզրահանգում, որ հրատապ անհրաժեշտություն կա ավելի մեծ ուշադրություն դարձնելու ծխախոտի վնասի նվազեցման հայեցակարգին։
Ըստ զեկույցի, աշխարհում նիկոտինի յուրաքանչյուր 100 սպառողից միայն 9-ն է օգտագործում պակաս վնասակար նիկոտինային արտադրանք: Զեկույցի համաձայն ծխելով պայմանավորված հիվանդությունները նվազեցնելու համար կարևոր է, որ ավելի մեծ թվով մարդիկ սիգարետը փոխարինելն անծուխ այլընտրանքներով:
- Ընդհանուր առմամբ, գնահատվում է, որ ամբողջ աշխարհում 98 միլիոն մարդ օգտագործում է պակաս վնասակար նիկոտինային արտադրանք։
- 68 միլիոնը օգտագործում է էլեկտրոնային սիգարետ։ Այն ամենատարածվածն է ԱՄՆ-ում, Մեծ Բրիտանիայում, Գերմանիայում, Ֆրանսիայում, Ճապոնիայում, Չինաստանում, Ռուսաստանի Դաշնությունում և Մեքսիկայում:
- 20 միլիոնը օգտագործում են ծխախոտի տաքացման համակարգեր։ Այս համակարգերը ամենաշատը օգտագործում են Ճապոնիայում, որտեղ ծխախոտի տաքացման համակարգերի վաճառքից ի վեր սիգարետի վաճառքը նվազել է 32% -ով։
- 10 միլիոնը օգտագործում են ծամելու ծխախոտ և այլ նմանատիպ արտադրատեսակներ։
Ծխելը շարունակում է մնալ մարդկության շրջանում հիվանդությունների և մահացության հիմնական պատճառներից մեկը: ԱՀԿ գնահատմամբ սիգարետ ծխելը ամեն տարի մինչև 8 միլիոն մահվան պատճառ է հանդիսանում: Ուստի անհրաժեշտ է անհապաղ լուծումներ գտնել հատկապես միջին և ցածր եկամուտ ունեցող երկրների բնակչության առողջության պահպանման համար։
KAC զեկույցը նաև շեշտում է, որ նիկոտինի պակաս վնասակար արտադրատեսակները հասանելի և մատչելի են մի շարք երկրներում, ինչպիսիք են Ճապոնիան, Մեծ Բրիտանիան և Իսլանդիան, որտեղ սիգարետ ծխողների թվաքանակի անկման միտումը շատ ավելի արագացել է։ Կազմակերպությունը գնահատում է, որ այս օրինակները ցույց են տալիս, որ ավելի շատ առողջապահական համակարգեր պետք է դիտարկեն առանց այրման աշխատող նկոտինային արտադրանքները որպես սիգարետի հետ կապված հիվանդությունները նվազեցնելու արդյունավետ միջոց:
Ըստ KAC-ի տնօրեն պրոֆեսոր Գերի Սթիմսոնի, «Սա որոշիչ պահ է ամբողջ աշխարհում 1,1 միլիարդ ծխողների ապագա առողջության համար, ովքեր ավելի մեծ ուշադրության են արժանի: Եվրոպական Հանձնաժողովի ծխախոտային արտադրանքների ընթացիկ հրահանգի վերանայմանը և հաջորդ տարի ԱՀԿ-ի Կողմերի FCTC համաժողովին մասնակցող գործիչները, պետք է հաշվի առնեն ծխախոտի վնասի նվազեցման արդյունավետությունը ապացուցող փաստարկները, լսեն սպառողներին և մշակեն այնպիսի քաղաքականություններ, որոնք իսկապես ուղղված են սիգարետ ծխելու հետ կապված հիվանդությունների նվազմանը:» Գործընկերական նյութ։