Friday, 29 03 2024
Պապոյանը Կորեայի պաշտոնյային ներկայացրել է Հայաստանի ներդրումային հնարավորությունները
Հայտնի են ձվի շուկայում միջանկյալ ստուգումների արդյունքները
14:00
Live. «Առաջին լրատվական» տեղեկատվական-վերլուծական կենտրոն
13:45
«Մենք ապրում ենք նախապատերազմական փուլում». Լեհաստանի վարչապետ
ՌԴ-ն պատրաստ է նպաստել հայ-ադրբեջանական հարաբերությունների կարգավորմանը․ Սերգեյ Լավրով
Ուղիղ. ԱԺԲ խորհրդի անդամների ասուլիսը
Իսրայելը շարունակում է նախապատրաստվել Ռաֆահ քաղաքում գործողությանը. Նեթանյահու
13:15
Ուկրաինան հայտնել է էներգետիկ օբյեկտներին ուղղված ռուսական զանգվածային հարվածների մասին
Իսկ եթե Ալիեւը լիբերալ աշխարհի դաշնակից դառնա՞
Ոստիկանության Նոր Նորքի բաժին ներխուժելու դեպքով քրեական վարույթի շրջանակներում խուզարկություններ են անցկացվում շուրջ 4 տասնյակ վայրերում
Առցանց անմաքս առևտրի շեմը նվազում է
Հորը բռնության ենթարկելու, հարևանի կնոջը սպանելու համար մեղադրվողը տեղափոխվել է հոգեկան առողջության կենտրոն
«National Geographic»-ը «գինու» շրջագայություն է իրականացրել Հայաստանում
Կաթնամթերքի արտադրամասի արտադրական գործունեության կասեցումը վերացվել է
«Երևանի ավտոբուս» ՓԲԸ տնօրենն աշխատանքից ազատման դիմում է ներկայացրել
ՍԱՏՄ-ն ներկայացրել է ձվի արտադրության և իրացման շուկայի վերահսկողության միջանկյալ արդյունքները
ՌԴ իշխանությունները հայտնել են Բելգորոդի երկնքում 15 թիրախ ոչնչացնելու մասին
-
12:40
Գործ ունենք դավաճանական շղթայի հետ, որը կառավարում է Ռուսաստանը
12:30
ԱՄՆ կառավարությունը 60 մլն դոլար է հատկացրել փլուզված Բալթիմորի կամրջի վերակառուցման համար
-
12:20
Հայաստանը ազատագրական պայքար է մղում, ոչ թե՝ վեկտոր փոխում
12:15
Բելառուսներին այսօրվանից արգելված է անօդաչու թռչող սարքեր ունենալ
Լուրերի օրվա թողարկում 12։00
Մեքենան գլորվել է ձորը, վարորդը մահացել է
Լավրովի անփառունակ տապալումը
Փորձել են առանց հայտարարագրման բջջային հեռախոսներ ներկրել
11:45
Որքա՞ն տարածք են ռուսները գրավել այս տարի Ուկրաինայում
Հալեպի վրա Իսրայելի հարձակման հետևանքով զոհվել է 36 մարդ. Al Hadath
11:15
Ռուսական խոշոր հարձակումը կլինի մայիսի վերջին
Բեգլարյանը սպառնացել է նորակառույցի սեփականատերերին իր առանձնատուն բացվող տեսարանի համար
«Միրզոյանի հետ վերջին անգամ շփվել եմ Սկոպյեում․ մենք էինք նախաձեռնել այն». Լավրով

Մոբիլ բլիցկրիգներ. Ադրբեջանի հետհաշվարկը միացել է

Ադրբեջանի նախագահի պաշտոնը զբաղեցնող Ալիևը նախօրեին ուղերձով դիմել է ադրբեջանցիներին, որում հայտարարել է, թե արցախյան հակամարտությունն այլևս չկա, պատմություն է, իսկ արցախցիները՝ Ադրբեջանի քաղաքացիներ:

Ալիևի հայտարարության, այսպես ասած, իրավա-քաղաքական ասպեկտներին՝ նոյեմբերի 9-ի եռակողմ համաձայնագրի համատեքստում, անդրադառնալու առիթ դեռ կլինի, և առաջիկայում կփորձենք դիտարկել նրա այդ հայտարարությունը համաձայնագրի, ըստ այդմ՝ դրա համար պատասխանատուների, այդ թվում՝ թե՛ պաշտոնական Երևանի և թե՛ ՌԴ նախագահի դերակատարման և պատասխանատվության համատեքստում: Այստեղ շերտերը շատ են և բավականին բազմաբնույթ, ինչի մասին խոսում է հենց Ալիևի հայտարարությունը, թե արցախցիները Ադրբեջանի քաղաքացիներ են: Այդ հայտարարությունը մի կողմից ունի ներքին սպառման նպատակ, քանի որ Ադրբեջանում արդեն որոշ շրջանակներ և քաղաքական ընդդիմությունը սկսել են հասկանալ, որ իրականում տեղի է ունեցել այն, որ Ռուսաստանը ռազմակայան է ձեռք բերել Արցախում՝ դե ֆակտո, ոչ թե Ադրբեջանն է «ձեռք բերել» «քաղաքացիներ», մյուս կողմից այն որոշակիորեն ակնարկ է ուղղված Ռուսաստանին:

Բանն այն է, որ նոյեմբերի 9-ից հետո շրջանառվում են տարբեր տրամադրություններ արտահայտող խոսակցություններ, այդ թվում և այն, որ Արցախի բնակչությունը կարող է ստանալ ռուսական անձնագրի հնարավորություն: Արցախում ամրանալու ռուսական ռազմավարության համատեքստում դա կարող է լինել միանգամայն դիտարկվող հեռանկար: Իսկ դա լրջորեն անհանգստացնում է Ալիևին, որովհետև հեռանկարում իրականացվելու դեպքում կամ նշանակելու է բաց առճակատում ՌԴ հետ՝ իսկ Բաքուն անգամ Թուրքիայի աջակցությամբ դա չի ուզենա, կամ նշանակելու է Ադրբեջանի հանրության հետ խնդիրների նոր բռնկում՝ «հաղթանակով» կերակուրը այլևս կդառնա անպիտան: Կրկնենք, առավել ևս, որ դրա «արհեստական» համն ադրբեջանական ընդդիմությունն արդեն ազդարարում է: Քաղաքագետ Արկադի Դուբնովը հայտարարել է, որ իր հավաստի աղբյուրի տեղեկությամբ, նոյեմբերի 9-ի համաձայնագրով ռուս խաղաղապահների տեղակայումը չի ունեցել 5 տարվա ժամկետային սահմանում, այլ կերպ ասած՝ եղել է անժամկետ: Ըստ Դուբնովի՝ Էրդողանի միջամտությամբ է Ալիևը հասել 5 տարի ժամկետային սահմանափակման: Ինչպես հայտնի է, համաձայնագրով նախատեսված է, որ ռուս խաղաղապահները Արցախի շփման գծի երկայնքով ու Լաչինի միջանցքով կանգնում են 5 տարի, և, եթե կողմերից որևէ մեկը չի առարկում այդ ժամկետի լրանալուց մինչև 6 ամիս մնացած ժամանակահատված, ապա ժամկետը ինքնաբերաբար ավելանում է ևս 5 տարով: Ադրբեջանում հնչում են բողոքի ձայներ, այն առնչությամբ, որ պատերազմն իրականում հաղթել է Մոսկվան: Ընդ որում՝ այն, որ լայնամասշտաբ պատերազմի դեպքում Բաքուն չի կարող լինել հաղթող՝ եթե անգամ չպարտվի էլ, անդրադարձել եմ տարիներ ի վեր: Ընդ որում, այդ հանգամանքը պետք է լիներ Ալիևի ողջախոհության հիմք պատերազմ չսկսելու համար, որովհետև այն ավարտվելու էր Բաքվի ռազմավարական պարտությամբ: Սեպտեմբերի 27-ի պատերազմը դրանով էլ ավարտվել է:

Ալիևը, իհարկե, մարտավարական մխիթարություն է գտել՝ վերցնելով տարածքներ, բայց պարզ չէ, թե ո՞ւմ են դրանք հասնելու և մնալու ի վերջո: Այդ իմաստով, Կովկասի բաժանումը ոչ թե ավարտվել է, այլ սկսվել է նոր բաժանում:

Մի բան, թերևս, հստակ է՝ դրանք չեն հասնելու Ալիևին: Ավելին, Ալիևը ինքը, թերևս, չի էլ հասնելու չորսուկես տարի անց ռուսական խաղաղապահ ներկայությանը առարկել-չառարկելուն: Եթե, իհարկե, հասնի Ադրբեջանը ընդհանրապես: Ռուսաստանն Ալիևի ստորագրությամբ Արցախ չի մտել, որպեսզի կախված լինի այնտեղից Ալիևի մեկ այլ ստորագրության հետևանքով դուրս մնալուն: Ըստ այդմ, սահմանափակելով ռուս խաղաղապահների տեղակայումը հնգամյա ժամկետով՝ անժամկետի փոխարեն, Ալիևը, թերևս, սահմանափակել է իր ժամկետները, և գուցե Ադրբեջան անվանվող պետության ժամկետները՝ ներկայիս տեսքով: Ռուս խաղաղապահների ժամկետի սահմանափակում մտցնելով, Ալիևը կամ Էրդողանը կամա, թե ակամա միացրել են թերևս ներկայիս տեսքով Ադրբեջան պետության գոյության հետհաշվարկը: Պետք է սկսել այդ հետհաշվարկի համատեքստում Հայաստանի ռազմավարական հաշվարկների կառուցումն ու նախապատրաստումը, ընդ որում՝ պատրաստ լինելով ապագա ցանկացած պատերազմի, բայց սցենարային դիապազոնում էական նշանակություն տալով նաև ապառազմական մեխանիզմների և գործիքների կենսունակությանը: Ռեգիոնալ հաջորդ բաժանումը կարող է տեղի ունենալ առանց մասշտաբային պատերազմի, առավելագույնը մոբիլ բլիցկրիգների միջոցով՝ ապահովելով տնտեսա-քաղաքական մրցակցող սխեմաների առաջխաղացում:

Բաժիններ
Ուղիղ
Լրահոս
Որոնում