Ամերիկյան Moderna ընկերության՝ կորոնավիրուսի դեմ MRNA-1273 պատվաստանյութը ցույց է տվել ծանր COVID-19-ի դեպքում դեղամիջոցի 100 տոկոս արդյունավետություն: Այս մասին ասվում է ընկերության կայքում տարածված մամուլի հաղորդագրության մեջ:
Մնացած դեպքերում պատվաստանյութի արդյունավետությունը կազմել է 94,1 տոկոս՝ ասված է զեկույցում: Ավելի քան 30 հազար մարդ մասնակցել է փորձարկումներին, նրանց մեծ մասը պատվաստումների է ենթարկվել՝ առանց նկատելի հետևանքների:
«Այս դրական առաջնային թեստը հաստատում է մեր պատվաստանյութի կարողությունը՝ կանխելու COVID-19 հիվանդությունը՝ 94,1 տոկոս արդյունավետությամբ, ինչպես նաև ծանր հիվանդությունը կանխելու ունակությունը: Մենք հավատում ենք, որ մեր պատվաստանյութը կդառնա նոր հզոր գործիք, որը կարող է փոխել համավարակի ընթացքը», – նշել են ընկերությունում: