Մինչ Ֆրանսիայի կառավարությունը մերժում է ճանաչել Լեռնային Ղարաբաղի անկախությունը, տասնյակից ավելի շրջանային և քաղաքապետական խորհուրդներ, կազմակերպություններ շարունակում են հորդորել կառավարությանը՝ ճանաչել այն: Նշում են, որ դա խաղաղության հաստատման միջոց է: Թեմայի շուրջ «Առաջին լրատվական»-ը զրուցել է Ֆրանսիայի Արֆոլվիլ քաղաքի փոխքաղաքապետ Կարո Խաչիկյանի հետ:
«Ամեն ինչ փորձում ենք անել, որ Ֆրանսիան միջազգային խաղերի մեջ ամեն ինչ լավ կշռադատի, հույս ունենք, որ Ֆրանսիան ավելի զորավոր կերպով կվերադառնա բանակցությունների»,- նշեց Խաչիկյանը: Դիտարկմանը, որ Արցախի ճանաչման հետևանքով Ֆրանսիան կարող է Մինսկի խմբի համանախագահների ձևաչափից դուրս մնալ, Խաչիկյանը նշեց, որ ամեն ինչ պետք է արվի, որպեսզի Ֆրանսիան դուրս չմղվի Մինսկի խմբից»:
«Այսօր նաև սկսվել է լոբբիների պատերազմ: Մենք այստեղ պայքարում ենք, քանի որ գիտենք, որ մեր զանազան հայկական հարցերը տակավին լուծված չեն: Մենք Թուրքիայի և Ադրբեջանի միջոցները չունենք, բայց ունենք կամք»:
Մանրամասները՝ տեսանյութում:
