Իրանի ազգային անվտանգության գերագույն խորհրդի քարտուղար Ալի Շամխանին հայտարարել է, որ իրանական հատուկ ծառայությունները չեն բացառել միջուկային ֆիզիկոս Մոհսեն Ֆախրիզադեի դեմ օտարերկրյա մահափորձի հավանականությունը, բայց դա լուրջ են ընդունել, հաղորդում է ՏԱՍՍ-ը:
«Քսան տարի շարունակ թշնամին փորձում էր վերացնել նրան (Ֆախրիզադեին), բայց մինչ այժմ նրանց դա չէր հաջողվում: Այս անգամ էլ երկրի հետախուզական համակարգը կանխատեսել էր նրա հետ միջադեպի հավանականությունը, անգամ գտնվելու վայրը»,- ասել է Շամխանին:
Նա նշել է, որ այս անգամ սպանության կազմակերպիչները մահափորձը պատրաստելու համար ընտրել են «բացարձակապես նոր միջոց», իսկ հատուկ ծառայությունները պատշաճ ուշադրություն չեն դարձրել գիտնականի անվտանգությանը:
