Միացյալ Նահանգներում առաջնային խմբերին նոր կորոնավիրուսի դեմ պատվաստանյութ կտրամադրվի մինչև դեկտեմբերի վերջ, հայտարարել է երկրի գլխավոր վարակաբան Էնթոնի Ֆաուչին: Այս մասին նա ասել է ABC-ին տված հարցազրույցում:
Նա նշել է, որ օգնությունն արդեն «ճանապարհին է»:
«Պատվաստանյութը հորիզոնում է: Պատվաստանյութն առաջնային խմբերի համար հասանելի կլինի դեկտեմբերի կեսերից մինչև վերջը»,- ասել է Ֆաուչին:
Համավարակի սկզբից մինչ այժմ աշխարհում գրանցվել է կորոնավիրուսով վարակման ավելի քան 62.5 միլիոն դեպք, ապաքինվել է ավելի քան 43 միլիոն մարդ, ավելի քան մեկ միլիոն հիվանդ մահացել է: