Պատերազմի ավարտը բերեց փոխկապակցված համակարգային ճգնաժամերի, որի լուծումը ինստիտուցիոնալ պետք է լինի: Այս համատեքստում նախագահի ինստիտուտը, հաշվի առնելով նաև սահմանադրական խիստ սահմանափակումները, այնուամենայնիվ, տալիս է որոշակի հնարավորություններ ոչ միայն կոչով հանդես գալու, այլ նաև Կառավարությանը, քաղաքական ուժերին և հանրությանն ուղղված առաջարկով հանդես գալու: Այս մասին «Առաջին լրատվական»,- հետ զրույցում ասաց ՀՀ նախագահի օգնական Էդուրադ Աբրահամյանը՝ անդրադառնալով հարցին, թե նախագահի ինստիտուտն ինչպես, ինչ մեխանիզմներով կարող է նպաստել ետպատերազմայն ճգնաժամային շրջանում հասարակության մեջ առկա լարվածության թուլացմանը:
«Որքան արագ լինի ճգնաժամի հաղթահարման ճանապարհային քարտեզը, այդքան շուտ մեր պետականությունը կշահի, մենք կկարողանանք ոտքի կանգնել և կկարողանանք ձևավորել մեր համազգային և ներպետական տեսլականը»,- ասաց Աբրահամյանը:
Նրա հավաստմամբ՝ նախագահի Մերձավոր Արևելք շտապ այցելության նպատակը Հայաստանին աջակցության համատեքստում է:
Մանրամասն՝ տեսանյութում: