Համասի առաջնորդ Խալեդ Մաշաալը հայտարարել է, որ մեծ ցանկություն կա հաղթահարելու այն տարաձայնությունները, որ կան պաղեստինյան երկու հիմնական քաղաքական ուժերի միջև: Նա նշել է, որ ՖԱԹՀ-ի հետ անհրաժեշտ է քննարկել բոլոր վիճելի խնդիրները, որոնք վերաբերում են պաղեստինյան ինքնավարության անվտանգությանն ու ներքին քաղաքականությանը:
Այդ բանակցությունները սկսվել էին այս տարվա սեպտեմբերից, սակայն անսպասելիորեն դադարեցվել էին ՖԱԹՀ-ի կողմից, քանի որ առաջացել էին լուրջ հակասություններ:
Տեղեկացնենք, որ երկու կազմակերպությունները լուրջ հակասությունների մեջ են 2006-2007թթ. քաղաքացիական պատերազմից ի վեր: Այս պահին Հորդանանի արևմտյան ափը գտնվում է ԱԹՀ-ի, իսկ Գազայի հատվածը` Համասի վերահսկողության տակ: Արաբական մի շարք երկրներ փորձել են միջնորդական դերակատարություն ստանձնել երկու կազմակերպությունների միջև, սակայն մինչ այժմ բոլոր բանակցություններն անցել են ապարդյուն: