ԱՄՆ Նևադա նահանգում անկանոն հրաձգության հետևանքով մեկ մարդ զոհվել է, չորսը վիրավորվել: Այս մասին հայտնում է CNN հեռուստաալիքը՝ հղում անելով տեղի ոստիկանությանը:
Միջադեպը տեղի է ունեցել Հենդերսոն քաղաքում նոյեմբերի 26-ի առավոտյան, երբ ԱՄՆ-ում նշում էին Գոհաբանության օրը: Ոստիկանությունը հաղորդումներ է ստացել քաղաքի տարբեր շրջաններում տուժածների մասին, իսկ ավելի ուշ հայտնաբերվել է հրազենային վնասվածքներ ստացած հինգ մարդ: Արդյունքում 22-ամյա երիտասարդը մահացել է, մյուս տուժածներին տեղափոխել են հիվանդանոց:
Ոստիկանության նախնական տվյալներով, չարագործները մեքենայով շրջել են քաղաքի փողոցներով և անկանոն կրակ բացել քաղաքացիների վրա՝ առանց ակնհայտ պատճառի: Իրավապահները որոնում են երկու կասկածյալի՝ 20-30 տարեկան սպիտակ տղամարդու և 20 տարեկան կնոջ:
Հայտնի է, որ ավելի ուշ նրանք բերման են ենթարկվել հրաձգության հետ կապ չունեցող մեղադրանքներով: