Այսօր՝ նոյեմբերի 26-ին, Ազգային ժողովում հրավիրվել է արտահերթ նիստ: Քննարկվում է Ռազմական դրության ռեժիմը վերացնելու մասին որոշումը ընդունելու մասին հարցը:
«Իմ քայլի» պատգամավոր Արման Եղոյանը կարծում է, որ դահլիճում անազնիվ խոսակցություն է ծավալվել. «Մենք հիմա փնտրում ենք պատերազմի և պարտության մեղավորներ, և դուք պատասխանատվության ամբողջ բեռը դնում եք գործող վարչապետի վրա, որն առանց այդ էլ վերցրել է այդ բեռը»:
Նա հիշեցրեց, որ ԵԱՀԿ համանախագահները 2013 թվականից ՀՀ-ի առաջ դրել են 7 շրջանները հանձնելու պահանջ. «Դուք այս հարցի մասին երբևէ խոսե՞լ եք: Միգուցե մեր սխալն այն է, որ մենք ավելի պարզ չխոսեցինք: Բայց ի՞նչ էր լինելու ձեր պատասխանը այս հարցին»:
Նա կոչ արեց Արցախյան հարցը չդարձնել որպես ներքաղաքական գործիք, ինչպես 98 թվականին. «98 թվականից Արցախյան հարցը օգտագործել են որպես դագանակ քաղաքական ընդդիմախոսների գլխին, և որևէ լուծման մասին որևէ երկխոսություն չի ծավալվել»:
Մանրամասն՝ տեսանյութում:
