Այսօր՝ նոյեմբերի 26-ին, Ազգային ժողովում հրավիրվել է արտահերթ նիստ: Քննարկվում է Ռազմական դրության ռեժիմը վերացնելու մասին որոշումը ընդունելու մասին հարցը:
«Դուք ևս ազնիվ չեք, երբ ասում եք, թե տեղյակ չեք եղել` ինչ իրավիճակ է ռազմաճակատում, և ընդհանրապես անտեղյակ եք եղել և եղել եք ինֆորմացիոն բլոկադայի մեջ»,- հայտարարեց «Իմ քայլի» պատգամավոր Հերիքնազ Տիգրանյանը:
Նրա խոսքով` շատ հեշտ է հրաժարական տալ և հեռանալ, սակայն իրենք որոշել են կրել հետագա զարգացումների պատասխանատվությունը:
Նա հիշեցրեց, որ պատերազմի առաջին օրը ԱԺ նիստում «Լուսավոր Հայաստան» խմբակցության ղեկավարը պահանջեց պայքարել մինչև վերջ. «Եվ մենք պայքարեցինք, պատերազմեցինք, բայց պարտվեցինք, որովհետև անհավասար էր պայքարը, որովհետև այս դահլիճում գտնվող պատգամավորներից ոմանք հայտարարում էին, որ չեն պատրաստվում նահատակվել: Չի եղել հողի հանձնում, եղել է պատերազմ, որի ժամանակ տանուլ ենք տվել: Եվ հիմա մենք պետք է շտկենք մեր մեջքը»:
Նա խոսեց նաև քաղաքական ամնեզիայի մասին և հիշեցրեց պատերազմին հաջորդող հրադադարի խախտումները:
Մանրամասն՝ տեսանյութում:
