Այսօր՝ նոյեմբերի 26-ին, Ազգային ժողովում հրավիրվել է արտահերթ նիստ: Քննարկվում է Ռազմական դրության ռեժիմը վերացնելու մասին որոշումը ընդունելու մասին հարցը:
«Դուք ասում եք՝ մի օգտագործեք «կապիտուլյացիա» բառը, որովհետև մեզ թշնամին է լսում: Թշնամին չի՞ իմանում, որ դուք Արցախը ծնկի եք բերել թուրքի առաջ: Եվ դեռ ժամանակը ցույց կտա` դա եղել է անմեղսունակությա՞ն, խելահեղ փառասիրությա՞ն, թե՞ դավաճանության հետևանք»,- հայտարարեց ԲՀԿ խմբակցության պատգամավոր Նաիրա Զոհրաբյանը:
«Երբ տեսա, թե ինչպես փակվեցին Քարվաճառի դարպասները, հազարապատիկ ատեցի ձեզ. դուք հանձնեցիք իմ հայրենիքը: Նիկոլ Փաշինյանը Ադրբեջանում դարձել է Ջոնի Բրջոնին: Ես ցավ եմ ապրում: Դուք չեք ուզում ընդունել, որ Ցեղասպանությունից հետո սա հայ ժողովրդի համար ամենածանր հարվածն էր»,- հավելեց նա:
Զոհրաբյանի խոսքով` այս կապիտուլյացիոն պայմանագրով ՀՀ գլխին վտանգը լինելու է միշտ. «2.5 տարի առաջ որպես կուռք եկած մարդը այժմ դիտվում է որպես արհավիրք. ես սա ցավով եմ ասում: Ռազմական դրությունը պետք է հանվի, որպեսզի մենք կարողանանք խորհրդարանում օրինական ճանապարհով սկսել պարտված ղեկավարի իմպիչմենտի գործընթացը: Նիկոլ Փաշինյանը ինքն էլ գիտի, որ հեռանալու է. նրա հետհաշվարկի ժամանակը միացած է»:
Մանրամասն՝ տեսանյութում: