Այսօր՝ նոյեմբերի 26-ին, Ազգային ժողովում հրավիրվել է արտահերթ նիստ: Քննարկվում է Ռազմական դրության ռեժիմը վերացնելու մասին որոշումը ընդունելու մասին հարցը:
«Հասարակության մեջ լարումը րոպե առ րոպե ավելանում է, ուստի ռազմական դրության հանումը անհրաժեշտություն է: Ինչքան իրավիճակը երկար պահեք ճնշումների ներքո, այնքան հետևանքները ծանր են լինելու»,- հայտարարեց Տիգրան Ուրիխանյանը:
Նրա խոսքով` պարզ է, որ իշխանությունը պետք է հեռանա, և պետք է լինեն արտահերթ ընտրություններ. «Տվեք այս պրոցեսին բնական գործընթաց, հակառակ դեպքում լինելու է սարսափելի հակազդեցություն»:
Նշելով, որ այժմ խաղաղապահներն են պահպանում հրադադարը, նա ասաց. «Եթե ռազմական դրությունը չեք հանում, բա դա Վլադիմիր Պուտինի մոտ հարց չի՞ առաջացնելու, չի՞ ասի` բա բերեցինք մեր խաղաղապահներին կանգնեցրինք այդտեղ»:
Մանրամասն՝ տեսանյութում: