«Մովսես Հակոբյանի կողմից հրապարակված փաստերը չգիտեմ, թե որքանով են հավաստի, բայց այն, ինչի մասին մենք խոսում էինք դեռ անցած տարի, կարծես բռնում են իրար։ Ես անցած տարի դիմել եմ ԱԱԾ՝ տեղեկացնելով, որ ՀՀ ՊՆ-ի կողմից ռազմամթերքի գնումներում մի բան այն չէ։ Հարուցվեց քրեական գործ, արագ քննություն գնաց, շատ բաներ բացահայտվեց, սակայն այս տարվա մայիսին անսպասելի արագ կարճվեց»,-«Առաջին լրատվական»-ի հետ զրույցում ասաց Ալեքսանդր Սիրունյանը։
Նրա խոսքով ՀՀ ՊՆ-ն ձախողել է նաև ջերմատեսիլ սարքերի մրցույթը և լավ ռազմամթերքն այդպես էլ չհասավ հայկական բանակին։ Փոխարենը ՀՀ ՊՆ-ն օֆշորում գրանցված ընկերությունների միջոցով կազմակերպել է կասկածելի որակով զենք զինամթերքի գնում։ Ալեքսանդր Սիրունյանը նաև ասաց, որ 2020 թվականի սեպտեմբերի 27-ի պատերազմից երեք օր անց ORSIS-ի տնօրենը դիմել է ՀՀ ՊՆ-ին ցանկացած ռազմամթերք՝ փամփուշտից մինչև ծանր տեխնիկա գնալ ու անվճար և անսահմանափակ քանակի բերել, որից հետո 2021 թվականին նոր հինգ տարվա կտրվածքով կմշակվի վճարման ժամանակացույց, սակայն ՀՀ ՊՆ-ից մինչ օրս չեն պատասխանել այս առաջարկին։
Առավել մանրամասն՝ տեսանյութում
