«Դժվար է պատկերացնել, որ կողմերից որևէ մեկը 4.5 տարի անց իր առարկությունը կհայտնի Արցախում խաղաղապահների տեղակայման հարցով: Ռուսաստանի խաղաղապահները որտեղ մտել են, այնտեղ էլ մնացել են երկար ժամանակով՝ այս կամ այն պատճառով: Ուստի դժվար է պատկերացնել, թե Երևանը կամ Բաքուն ինչպես են ձևակերպելու խաղաղապահների դուրսբերման վերաբերյալ իրենց մոտեցումները»,- «Առաջին լրատվական»-ի հետ զրույցում նշեց լրագրող, վերլուծաբան Արշալույս Մղդեսյանը՝ անդրադառնալով վարչապետ Փաշինյանի ՏԱՍՍ-ին տված հարցազրույցին:
Անդրադառնալով արտահերթ խորհրդարանական ընտրությունների անցկացմանն առնչվող հարցին Փաշինյանի տված պատասխանին՝ մեր զրուցակիցն ասաց. «Այստեղ երկակի է. եթե վիզուալ նայում ենք, թե Փաշինյանի և կառավարության հրաժարականի պահանջով հանրահավաքներին որքան մարդ է մասնակցում, իհարկե դժվար է ասել, որ այդ ուժերն ունեն հասարակության լայն շերտերի աջակցությունը, բայց այստեղ խնդիրն ավելի շատ տվյալ ուժերի նկատմամբ հանրության մոտեցումների մասին է: Իրականում բողոքը շատ ավելի լայն է, բայց չեն մասնակցում այդ հանրահավաքներին, որովհետև որոշակի վերապահումներ ունեն տվյալ ուժերի նկատմամբ, և ոչ թե որովհետև իրենք աջակցում են Փաշինյանին: Ուստի բողոքի սահմանները շատ ավելի լայն են Փաշինյանից, նրա կառավարությունից»:
Մանրամասն՝ տեսանյութում:
