ԱՄՆ-ին պատկանող Donald Cook էսմինեցը մտել է Սև ծովի ջրատարածք: Այս մասին հաղորդել է Վրաստանում Միացյալ Նահանգների դեսպանատունը, փոխանցում է «ՌԻԱ Նովոստի»-ն:
«ԱՄՆ-ի Donald Cook (DDG 75) ռազմանավը գտնվում է Սև ծովում՝ ծովում անվտանգության ապահովման սովորական գործողությունների համար, որոնք աջակցում են տարածաշրջանային կայունությանը»,- ասված է հաղորդագրությունում:
Դիվանագիտական առաքելությունը նշել է, որ ԱՄՆ ռազմածովային ուժերը սովորական գործողություններ են իրականացնում ՆԱՏՕ-ի դաշնակիցների և գործընկեր երկրների, այդ թվում՝ Բուլղարիայի, Վրաստանի, Ռումինիայի, Թուրքիայի և Ուկրաինայի հետ:
Էսմինեցի մուտքը Սև ծով յոթերորդն էր ամերիկյան նավերի համար 2020 թվականին: