Ինչպես հաղորդում է քաթարյան Al-Jazeera հեռուստաընկերությունը, Եթովպիայի վարչապետ Մելես Զենավին կտրուկ հայտարարություններ է արել Եգիպտոսի իշխանությունների հասցեին` զգուշացնելով նրանց սկսել ռազմական գործողություններ, եթե Նեղոսի ջրային ռեսուրսների բաշխման հարցը լուծում չգտնի:
Զենավին ասել է, որ Նեղոսի ջրերի օգտագործման նախկին փորձը, երբ ավազանի ավելի հարուստ երկրներն ավելի շատ պաշարներ էին օգտագործում, այլևս անընդունելի է, և այս փորձը պետք է վերանայվի: Նա եգիպտացիներին մեղադրել է հակակառավարական ուժերին աջակցելու համար:
Եգիպտոսն ու Սուդանը դեմ են արտահայտվում Նեղոսի վրա նոր ջրամբարների կառուցմանը, իսկ Միջազգային բանկն իր հերթին հայտարարել է, որ Նեղոսի վրա նոր ծրագրերի իրագործումը չի կարող կյանքի կոչվել առանց Եգիպտոսի համաձայնության: Եթովպիային իրենց աջակցությունն են հայտնել Ուգանդան և Բուրունդին, որոնք նույնպես պահանջում են 1929թ. ստորագրված ջրային ռեսուրսների բաշխման պայմանագիրը: Եգիպտոսի արտգործնախարարությունը հայտարարել է, որ Նեղոսի համար պատերազմ չի լինի: Եգիպտական կողմը հերքել է հակակառավարական ուժերին աջակցելու մեղադրանքը և արտահայտվել կառուցողական երկխոսության օգտին:
