Thursday, 28 03 2024
Սուրեն Պապիկյանը ծանոթացել է նաև ՀՀ ռազմարդյունաբերության նորագույն նմուշներին
Հանրակրթության նոր չափորոշիչի ներդրմանը զուգահեռ դասարաններում կկրճատվի աշակերտների թիվը. Անդրեասյան
ՔՊ նիստում քննարկվել են եվրոպական կուսակցական միությունների գաղափարախոսությունները
«Դժվարին որոշում եմ կայացրել` չհավակնել Բարձրագույն դատական խորհրդի դատավոր անդամի թափուր տեղին». Վազգեն Ռշտունի
«Ռուսաստանը հաջողության է հասնում այնտեղ, որտեղ դրա կարիքն ունի»․ Պուտին
Հրազդանում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Վլադիմիր Վարդանյանը կմասնակցի Մարդու իրավունքերի եվրոպական դատարանի դատավորների ընտրության հանձնաժողովի նիստին
Ծեծի է ենթարկել իր անչափահաս դստերը և փորձել սեռական հարաբերություն ունենալ նրա հետ
Այն, ինչ կներվի Բաքվին, չի ներվի Երևանին. Կրեմլը բաց է խաղում
ԵՄ ներկայությունը Բաքվին հանգիստ չի տալիս
Ադրբեջանը «կլրջացնի՞» ՀԱՊԿ-ի հետ ընկերությունը
Ազատագրվել ռուսական կախվածությունից. եվրաինտեգրման առաջնահերթությունները
Դիմակներն այլևս հանված են. Մոսկվան հանձնում է իր ամենաարժեքավոր ագենտին
Տղամարդը դանակահարել է նախկին կնոջն ու նրա քրոջը
Հայաստանը «դիվերսիֆիկացնում է» քաղաքականությունը, Ռոսատոմը մոդեռնիզացնում է Մեծամորի ԱԷԿ-ը
Գործակալ հիշեցնող Շահրամանյանը
Բաքվի խոշոր «խաղադրույքը»
Կլիմայի փոփոխության բացասական ազդեցությունը նկատելի է գյուղատնտեսության և տնտեսության մի շարք այլ ճյուղերում. փոխնախարար
Ռուսաստանում տեղի ունեցած ահաբեկչության գործով նոր կասկածյալ է հայտնվել
Արմեն Գևորգյանը ԵԽԽՎ դիտորդական առաքելության կազմում կհետևի Հյուսիսային Մակեդոնիայի նախագահական ընտրություններին
Մի համագործակցության խրոնիկա
Հայաստանը չունի ավելի ուժեղ զենք, քան միջազգային իրավունքը. չկրակելը խելամիտ չէ
Սասունցի Դավթի դարաշրջանը չէ. ԱՄՆ-ից ակնկալիքներին զուգահեռ պետք է ամրապնդել պետությունը
Երևանում ծառի ճյուղը թեքվել և ընկել է էլեկտրական լարերի վրա. փրկարարները մասնատել են ծառի ճյուղը
21:40
Ղազախստանի դեսպանատունը խորհուրդ է տվել լքել Օդեսայի և Խարկովի մարզերը
Վիճաբանություն և ծեծկռտուք՝ անչափահասների մասնակցությամբ․ կա վիրավոր
Քանի՞ մարդ է թունավորվել Հայաստանում
«Հայաստանի և Ռուսաստանի հարաբերություններում ստեղծված իրավիճակը լավատեսություն չի ներշնչում»․ Լավրով
Բաքվի անհիմն մեղադրանքն ու խորամանկ խաղը Բրյուսելից առաջ
«Կրոկուսի ահաբեկչության հեղինակներն Ուկրաինայից զգալի գումարներ և կրիպտոարժույթներ են ստացել»․ ՌԴ ՔԿ

Ֆրանսիան կճանաչի՞ Արցախը

ԵԱՀԿ-ում ԱՄՆ դեսպան Ջեյմս Գիլմորը հայտարարել է, որ այժմ պահն է, որպեսզի Արցախի հակամարտությունը լուծվի տևական խաղաղության տրամաբանությամբ: Գիլմորը խոսել է Հելսինկյան եզրափակիչ ակտիվ երեք սկզբունքների մասին, որոնց թվում է, ինչպես հայտնի է, ինքնորոշման իրավունքի հարցը: Մյուս երկու սկզբունքների առումով, ըստ էության, կա 44-օրյա պատերազմի ցավագին պատկերը, հայկական կողմի պարտությունն ու նոր ստատուս-քվոն, որով Ադրբեջանը ոչ միայն հայտնի 7 շրջաններն է ստանում, այլ նաև Արցախից Հադրութ շրջանն ու Շուշին:

Մինչդեռ, Արցախը նույնիսկ չի ստանում այն, ինչ նախատեսում է երրորդ սկզբունքը՝ կարգավիճակ:

Ռուսաստանի միջնորդությամբ նոյեմբերի 9-ի համաձայնագրով կարգավիճակի հարց նախատեսված չէ, և ինչպես հնարավոր է դատել ՌԴ նախագահի օրերս տված հարցազրույցից՝ տեսանելի ապագայում այդպիսի հարց չի էլ դիտարկվում: Միաժամանակ, ԱՄՆ-ն ու Ֆրանսիան դնում են հենց կարգավիճակի հարց: Սակայն հռետորաբանության մակարդակում այդ հարցը դնելը, իհարկե, քիչ է, որովհետև էական է, թե նրանք ինչ գործնական քայլ կարող են անել այդ ուղղությամբ, որպեսզի գործընթացում կարգավիճակի հարցը առնվազն դառնա քննարկման առարկա: Այժմ այն միայն խոսակցության առարկա է, որ վարում են Ռուսաստանի միջնորդության դեմ: Երևանի համար կարգավիճակը կլինի այն, ինչ թույլ կտա փոքր-ինչ փրկել դեմքը ռազմական պարտությունից հետո, եթե, իհարկե, այդ պարտությունից հետո հնարավոր է դեմք փրկել: Ավելին, առ այսօր դեռ մնում է հրատապ թե՛ Արցախի, թե՛ անգամ Հայաստանի փրկության հարցը, հաշվի առնելով չավարտված պատերազմը, հրադադարը՝ բայց դեռևս շատ փխրուն հրադադարը, ինչպես նաև ներքին ապակայունացման ռիսկերը: Այս պայմաններում անկասկած է, որ Երևանից ակնկալել կարգավիճակի առնչությամբ լուրջ քաղաքական հարցադրումներ ու քայլեր, իրատեսական չէ:

Հարցը գտնվում է Մինսկի խմբի համանախագահների տիրույթում և նրանց միջև փոխհարաբերությունների առարկա է: Ռուսաստանը մերժում է այն, քանի որ դա կնշանակի Անկարայի և Բաքվի հետ պայմանավորվածության խախտում, իսկ Մոսկվան դեռևս ամենևին ամուր չէ այստեղ, այդպիսի համարձակության համար: Ռուսաստանը ներկայումս ունի ոչ թե Արցախի կարգավիճակի, այլ Արցախում իր կարգավիճակի ամրապնդման հարց, և տեսանելի ապագայում լուծելու է թերևս այդ հարցերը: Այդ դեպքում Արցախի կարգավիճակի հարց բարձրացնելով՝ Ռուսաստանը կվտանգի Արցախում իր կարգավիճակի ամրապնդման խնդիրը: Մյուս կողմից, հենց այդ խնդրի համատեքստում իսկ Ռուսաստանը դեմ չէր լինի, եթե կարգավիճակի հարցում համարձակություն դրսևորեին ԱՄՆ-ն ու Ֆրանսիան: Սակայն պարզ չէ նրանց մոտիվը, թե ինչ են ստանում նրանք այդպիսի հարցում առարկայական քայլ անելու դեպքում: Խոսքն, իհարկե, նրանց տեսանկյունից չափման մասին է: Ըստ այդմ, նրանք խոսում են, իսկ ահա կոնկրետ քայլ անելուց մնում են ձեռնպահ: Նրանց տեսանկյունից պատկերն այն է, որ Արցախի կարգավիճակի հարց բարձրացնելով՝ նրանք ավելի շատ հարցեր լուծում են Ռուսաստանի, քան իրենց համար: Այդ իմաստով, Հայաստանի համար կարգավիճակի վերաբերյալ հայտարարություններն ականջահաճո են, սակայն սրանք հազիվ թե այս պահին պարունակեն պրակտիկ քաղաքական նշանակություն: Համենայնդեպս, կա, իհարկե, նաև փաստ, որ հարցը քվեարկության է դրվելու Ֆրանսիայի Սենատում: Տեսականում, անշուշտ, բացառված չէ ճանաչումը, մյուս կողմից, սակայն, դա կարող է մնալ հենց խորհրդարանական մակարդակում, իսկ Ֆրանսիան խորհրդարանական պետություն չէ և, հետևաբար, առավել կարևոր կլինի գործադիր իշխանության դիրքորոշումը: Այստեղ Փարիզն առայժմ գերադասում է ձեռնպահ մնալ կոնկրետ գործողության պատասխանատվություն ենթադրող քայլերից: Պետք չէ բացառել, որ այդ առումով սպասում են Միացյալ Նահանգների նոր վարչակազմի տրամադրությանը:

Բաժիններ
Ուղիղ
Լրահոս
Որոնում