«Վարչապետը դավաճան չէ, այստեղ դավաճան չկա։ Վարչապետն արել է այն, ինչ կարող էր անել։ Գուցե դիվանագիտական դաշտում սխալներ եղել են, բայց դավաճանություն չի եղել»,- «Առաջին լրատվական»-ի հետ զրույցում ասաց նախկին դատավոր, «Անկախ դատավոր» ՀԿ նախագահ Պարգև Օհանյանը։
Նրա խոսքերով՝ փողոցում այս օրերին հեղափոխության, հեղաշրջման խնդիր է լուծվում, թեև, Օհանյանի խոսքերով, փողոցում եղած ընդդիմության մեջ շատ պարկեշտ մարդիկ կան։
Օհանյանի հետ զրույցում անդրադարձանք նաև դատական իշխանությանը։ Նախկին դատավորի խոսքերով՝ դատական իշխանությունը ներկա իրավիճակում իշխանության միակ կայուն ճյուղն է. «Ես գտնում եմ, որ դատական իշխանությունը ներկայումս շատ լավ վիճակում է։ Դատական իշխանությունը միշտ աչքի է ընկել և տուժել է իր չանկախության պատճառով, բայց… ներկայումս իրավիճակ է փոխվել։ Դատական իշխանությունը հիմա կայացել է։
Դատավորները պաշտպանված են, անկախ են և դուխով որոշումներ են կայացնում։ Դատական իշխանությունը միակ իշխանության ճյուղն է հիմա, որ կայուն վիճակում է։ Այն դեպքում, երբ գործադիրը հեղհեղուկ վիճակում է, օրենսդիրը՝ որպես քաղաքական մարմին, շատ անարդյունավետ է աշխատում»,- ասաց Օհանյանը։
Առավել մանրամասն՝ տեսանյութում։
