Այսօր՝ նոյեմբերի 17-ին, ԱԺ հայտարարությունների ժամին «Իմ քայլը» խմբակցության պատգամավոր Անդրանիկ Քոչարյանը հայտարարեց. «Հրաժարականի ինստիտուտը շատ կարևոր ինստիտուտ է ցանկացած բևեռացում լիցքաթափելու համար: Այնպես որ` չպետք է մտածել, թե մեկին քավության նոխազ են դիտում, էն մեկին չեն դիտում: Պաշտոնյան ինքը պետք է գիտակցի իր հրաժարականի արժեքը և իր կատարած աշխատանքի թերացումները: Եթե ինքը չի գիտակցում և թողնում է, որ իրեն հանեն, պրոբլեմ է ստեղծում պետության համար»:
Անդրադառնալով պաշտպանության նախարարի հայտնի հայտարարությանը` նոր պատերազմ նոր տարածքների դիմաց, Անդրանիկ Քոչարյանն ասաց. «Այս հայտնի թեզից շատ լավ օգտվեց թշնամին: ՊՆ-ն պետք է հանդես գար մեր հաղթանակի, վատագույն դեպքում մեր պարտության հստակ, խելամիտ հիմնավորումներով և ոչ ստահոդ ու պոպուլիստական գրառումներով»:
Նրա խոսքով` Օնիկ Գասպարյանն արել է առավելագույնը, իսկ պատասխանատվություն է կրում նախկին պետ Արտակ Դավթյանը:
Մանրամասն՝ տեսանյութում: