«Վարչապետի ասուլիսը և ԱԺ-ում հարցուպատասխանը հասարակությանը լիցքաթափվելու որոշակի էլեմենտներ կտան: Իսկ հանրահավաքում հնչող մտքերը լարում են ստեղծում»,- «Առաջին լրատվական»-ի հետ զրույցում այս մասին ասաց «Հանուն հանարապետության» ԺՄԴԿ ղեկավար մարմնի անդամ Վահագն Մարտիրոսյանը՝ ընդգծելով, որ քաղաքական դաշում առկա գերլարվածությունը տանելու է քաոսային իրավիճակի՝ երկիրը ներսից քանդելուն:
«Դա կբերի նրան, որ երկիրը կառավարող ուժերը ներսից կսկսեն կազմաքանդվել: Կառավաարության ամենակարևոր գործառույթն այսօր պետք է լինի երկիրը այս գերլարված վիճակից հանելը, իսկ դա հնարավոր է մի ձևով՝ կառավարությունը, ի դեմս վարչապետի, գործողությունների պլան պետք է ներկայացնի: Վերջնանպատակը պետք է լինի ԱԺ արտահերթ ընտրություններ անցկացնելը»,- նշեց Մարտիրոսյանը: Նա նաև հավելեց, որ քանի դեռ ներքաղաքական դաշտում չունենք կայուն վիճակ, Արցախի հարցով կոնկրետ քայլեր չեն լինի:
«Քաղաքացու որոշում» կուսակցության անդամ Հայկ Սահակյանը հավելեց, որ ԱԺ-ում պետք է երկխոսություն, բանավեճ գնա, որը հնարավորինս կմեղմի ստեղծված թեժ մթնոլորտը:
«Բոյկոտելով հարց չի լուծվում, յուրաքանչյուր քաղաքական ուժ, յուրաքանչյուր պատգամավոր պետք է պատասխանատվություն ստանձնի: Մանդատը վայր դնելը լուծում չէ: Ներքին լարումն այնքան թեժ է, որ ներքին բախումներ կարող են լինել, և քաղաքացիական պատերազմի կարող ենք ականատես լինել: Երևանի փողոցներում մարդիկ կարող են իրար վրա ավտոմատներով կրակել՝ իշխանության նվաճման նպատակով»,- ասաց Սահակյանը:
Մանրամասները՝ տեսանյութում:
