«Հայաստանում չի կարող քաղաքացիական պատերազմ լինել։ Դրա համար պատերազմող կողմեր են պետք, առակիցներ են պետք, տարածքներ են պետք։ Տեսականորեն, շատ վատ սցենարում կարող են լինել զինված բախումներ, բայց Հայաստանը Սիրիա չի դառնալու, Սիրիայի նման էլ չի դառնալու։ Սիրիայի 1 տոկոսն էլ չի դառնալու»,-«Առաջին լրատվական»-ի հետ զրույցում ասաց «Իրազեկ քաղաքացիների Միավորում» ՀԿ ծրագրերի համակարգող Դանիել Իոաննիսյանը։
Նրա խոսքով կա մի կարևորագույն մեխանիզմ, որը այլընտրանք չունի. իշխանությունը պատկանում է ժողովրդին և ժողովորդը ընտրությունների միջոցով ձևավորում է այդ իշխանությունը.«Այս մեխանիզմը չպետք է ունենա այլընտրանք։ Կարող են լինել արտահերթ ընտրություններ, կարող է լինել իշխանափոխություն, բայց չի կարող լինել հեղաշրջում, երբ ինչ-որ մարմիններ որոշեն անցնել իշխանության մյուս կողմը։ Չի կարելի թույլ տալ, որ ինչ-որ մեկը զենքով, բռնությամբ փորձի իշխանության հարց լուծել։ Եթե ինչ-որ մարդիկ, ուժեր պահանջեն ու ցույցերով և այլ եղանակով հասնեն արտահերթ ընտրությունների, դա նորմալ է։ Եթե Հայաստանում իշխանությունը պետք է փոխվի, պետք է փոխվի բացառապես ընտրությունների միջոցով։ Պետք է կանգնեցվեն զենքով ինչ-որ հարց լուծելու բոլոր փորձերը»,-ասաց Իոաննիսյանը։
Առավել մանրամասն՝ տեսանյութում