Սիրիայի Հոմս նահանգում ահաբեկիչների կողմից վերահսկվող փախստականների ժամանակավոր ճամբարների նախկին կալանավորները պատմել են, որ իրենց պահել են անմարդկային պայմաններում եւ իրենց վերաբերվել որպես ստրուկների:
«Զինյալների իշխանության ներքո մենք ապրել ենք իրավազուրկ ստրուկների վիճակում: Նրանք կարողացել են մեզանից խլել կանանց, կարողացել են սպանել տղամարդկանց, այդ ամենը եղել Է: Մենք ապրել ենք հացով ու ջրով, նույնիսկ մոռացել, թե ինչ բան Է թարմ բանջարեղենը: Մենք երեխաներին լողացնելու հնարավորություն չենք ունեցել»,-լրագրողներին պատմել Է Հերաթ Նասր Խամրուշը, որը, ինչպես եւ բազմաթիվ փախստականներ, այժմ ապրում Է Ալ-Ջամեյյա քաղաքի ժամանակավոր տեղավորման կետում:
Ալ-Ջամեյյա կետն ընդունել Է հիմնականում բազմազավակ կանանց. յուրաքանչյուր ընտանիքում կան հինգ, յոթ մանկահասակ երեխաներ: Երկար ժամանակ ի վեր առաջին անգամ փախստականները հնարավորություն են ստացել բուժզննում անցնել եւ տեղեր ստանալ տեղի կրթական հաստատություններում: Ձմեռնամուտին այստեղ են բերել նոր ներքնակներ, բարձեր եւ տաք ծածկոցներ:
«Կանոնավոր կերպով մեզ մոտ ժամանում են բժիշկների բրիգադներ: Անհրաժեշտության դեպքում փախստականներին դեղամիջոցներ են տալիս: Կառավարությունը նրանց երեխաներին մահճակալներով Է ապահովել շրջանային դպրոցում»,-լրագրողներին պատմել Է Կարմիր մահիկի ներկայացուցիչ, այդ ապաստանի համար պատասխանատու Ֆերաս Սարհանը, հաղորդել Է ՌԻԱ Նովոստին:
