Վերջին մեկ օրվա ընթացքում Վրաստանում գրանցվել է կորոնավիրուսային վարակի 3 020 նոր դեպք: Այս մասին ճեպազրույցում ասաց Համակարգող միջգերատեսչական խորհրդին առընթեր գործող շտաբի պետ Ալեքսանդր Խոջևանիշվիլին:
Ամենաշատ դեպքերը գրանցվել են Թբիլիսիում`1 354: Մայրաքաղաքին բաժին է ընկնում վարակի նոր դեպքերի գրեթե 45%-ը: Ըստ մարզերի, փաստերը բաշխվում են հետևյալ կերպ.
Թբիլիսի – 1 354
Աջարիա – 410
Իմերեթի – 398
Սամեգրելո-Զեմո Սվանեթի – 248
Քվեմո Քարթլի – 198
Շիդա Քարթլի – 153
Կախեթի – 126
Գուրիա – 60
Մցխեթա-Մթիանեթի – 41
Սամցխե-Ջավախեթի – 26
Ռաչա-Լեչխումի և Քվեմո Սվանեթի – 6:
Անցած 24 ժամվա ընթացքում մահացել է ևս 34 հիվանդ. Թբիլիսիում՝ 18, Աջարիայում՝ 8, Իմերեթիում՝ 6, Քվեմո Քարթլիում՝ 1, Կախեթիում՝ 1: Վրաստանում կորոնավիրուսից վրա հասած մահերի ընդհանուր թիվը 703 է:
Այս շաբաթվա սկզբից ժամը 22:00-ից հետո Վրաստանի խոշոր քաղաքներում շարժման սահմանափակումներ են մտցվել
Ընդհանուր առմամբ ապաքինվել է 62 061 մարդ, որից 3 387-ը՝ վերջին մեկ օրվա ընթացքում:
Ներկայումս երկրում կա COVID-19-ի 16 888 դեպք: Դրանցից 5 592 հիվանդ (ավելի քան 33%) բուժվում է հիվանդանոցներում, 8 016 (մինչև 48%)`տանը, և 3 280-ը` քովիդ-հյուրանոցներում` բժիշկների հսկողության տակ:
Այսօր 735 ծանր հիվանդ կա, 334 մարդ միացված է արհեստական շնչառության ապարատներին, ինչը վեցով պակաս է, քան շաբաթ օրը: Կարանտինում են գտնվում 2 326, իսկ ինքնամեկուսացման մեջ՝ 47 548 քաղաքացի:
Կորոնավիրուսի առաջին դեպքը Վրաստանում հայտնաբերվել է փետրվարի 26-ին: Դրանից հետո երկրում լաբորատոր հաստատվել է վարակի 79 678 դեպք, հաղորդում է «Նովոստի-Գրուզիա» գործակալությունը: