Google Chrome դարձել է 2-րդ ամենահայտնի դիտարկիչը Մեծ Բրիտանիայում՝ շրջանցելով Mozilla Firefox-ը: Այս մասին հաղորդում է Reuters գործակալությունը: Առաջին տեղում շարունակում է մնալ Microsoft ընկերության Internet Explorer-ը:
Chrome-ի մասնաբաժինը շուկայում կազմել է 22.1%, մինչդեռ Firefox-ինը՝ 21.6%: Internet Explorer-ը շարունակում է մեծ առավելություն ունենալ՝ գերազանցելով երկրորդ և երրորդ տեղերում գտնվող դիտարկիչների մասնաբաժինը: Անցած տարի այդ դիտարկիչների մասնաբաժինը կազմում էր համապատասխանաբար 12, 25 և 55 տոկոս:
Մինչդեռ աշխարհում Chrome-ը շարունակում է զիջել Firefox-ին (22% և 28% համապատասխանաբար): Microsoft-ի դիտարկիչն ունի 42%:
The Guardian-ը գրում է, որ Chrome-ի հաջողության հիմնական գրավականն այն է, որ շատ արագ է, անվտանգության բարձր աստիճան ունի, իսկ դիզայնում մինիմալիստական է:
