44 օր տևած պատերազմն ավարտվեց Փաշինյանի, Պուտինի և Ալիևի համատեղ հայտարարությամբ: «Առաջին լրատվական»ի հետ թեմայի շուրջ զրույցում պատմաբան Զոհրաբ Գևորգյանը նշեց. «Պատմական ինչ ժամանակաշրջան ենք ապրում. կարելի է տարբեր գնահատականներ տալ. այս իրավիճակը պետք է լրջագույն վերլուծության ենթարկել, հետո նոր գնահատականներ տալ: Մենք պետք է այս աստիճանի անակնկալի չգայինք, որ տեղի են ունենում նման իրողություններ: Պետք չէ մեղավորներ փնտրել: Հանրային մտածողության մեջ լուծումներ են պետք»,- ասաց Գևորգյանը:
Նրա խոսքով՝ խնդրահարույց ուղերձներ են գալիս կառավարող միջավայրից: Կառավարող միջավայրը դեռ պատերազմից առաջ կարծես թե ամբողջ պատասխանատվությունը դրել է Նիկոլ Փաշինյանի ուսերին: Բաց մենք խորհրդարանական կառավարման կարգի ենք անցել, որպեսզի կառավարումը կենտրոնանա ոչ թե մեկ անձի շուրջ, այլ ապակենտրոնացված լինի: Կառավարումը պետք է որոշակիորեն բաշխված լիներ տարբեր օղակների վրա, բայց այդպես չի եղել»,- նշեց Գևորգյանը:
«Չեմ տեսնում կառավարող վերնախավի մեջ մարդկանց, որոնք կարող են կոմպենսացնել իրավիճակի ծանրությունը»,- ընդգծեց պատմաբանը՝ հավելելով, որ սա լուրջ խնդիր է:
Պատմաբանի դիտարկմամբ՝ այս իրավիճակում քաղաքական տատանումները հակացուցված են: «Անհասկանալի է, թե ինչու ԱԺ-ում լիագումար նիստեր չեն տեղի ունենում և չեն կազմակերպվում լուրջ քննարկումներ: Երբ որ դա չի լինում, ամբողջը դուրս է գալիս փողոց և դառնում էժանագին խոսակցություններ»,- ասաց պատմաբանը :
Մանրամասները՝ տեսանյութում:
