Thursday, 28 01 2021
Thursday, 28 01 2021
Արարատ Միրզոյանն ուղերձ է հղել Բանակի օրվա առթիվ
Հայկական բանակը մեր համազգային հպարտության աղբյուրն է․ Փաշինյան
«Հանուն Հանրապետության» կուսակցության ղեկավար մարմնի ներկայացուցիչները այցելել են սահմանամերձ Ոսկեպար համայնք
«Արարատն» ուսումնամարզական հավաք կանցկացնի Դուբայում
Վազգեն Մանուկյանը հոգեվարքի մեջ գտնվող խեղկատակ է. Նա հիմա պետք է բանտախուցը կիսեր Նաիրի Հունանյանի հետ
12:30
ԱՄՆ նոր պետքարտուղարը Չինաստանի հետ հարաբերություններն աշխարհում «ամենակարևորն» է անվանել
Նիկոլ Փաշինյանին հեռացնելու տարբեր ճանապարհներ կան, ընդհուպ մինչև ֆիզիկական․ Վահան Բադասյան
Սադիր Ժապարովն ստանձնել է Ղրղզստանի նախագահի պաշտոնը
12:17
Ճապոնիայում ԱՄՆ-ի զինվորականի նկատմամբ գործ են հարուցում թմրանյութերի մաքսանենգության համար
Փաշինյանին պետք է նետենք Սերժ Սարգսյանի անվան աղբանոցը․ Պավլիկ Մանուկյան
Հայկական բանակը չի պարտվել, բանակը դեռ հաղթելու է
Արցախում հայտնաբերվել է կորոնավիրուսային հիվանդության 8 նոր դեպք
Երախտապարտ ենք հայոց բանակի սպաներին և զինվորներին՝ հայրենիքին անմնացորդ նվիրումի համար
Հայ գերիներին ազատ արձակելու պահանջով Մոսկվայում խաղաղ ակցիան շարունակվում է
Հայաստանն էական առաջընթաց է գրանցել Կոռուպցիայի ընկալման համաթվում
Միջազգային ճնշումն աճում է, Ադրբեջանը կհասկանա գերիների հարցի հրատապ լուծման անհրաժեշտությունը. ՀՀ ԱԳՆ
11:30
Պակիստանյան ավիաուղիների օդաչուն պատմել է Փենջաբի երկնակամարում նկատած ՉԹՕ-ի մասին
11:20
Կիևը դիմել է Ինտերպոլ՝ Ղրիմ թռչող ինքնաթիռների որոնման համար
ՀՀ-ում կորոնավիրուսից մահացել է 11 մարդ, ապաքինվել՝ 592-ը․ 242 նոր դեպք է հաստատվել
Տիգրան Ավինյանն ուղերձ է հղել Բանակի օրվա առթիվ
Երբեք անորոշությունը, վաղվա օրվա նկատմամբ անհանգստացնող ու տագնապեցնող չի եղել մեր ժողովրդի համար. Գարեգին Բ
Մարտունու և Ջաբրայիլ շրջաններից հայտնաբերվել է 3 աճյուն
Փաշինյանը պայման դրեց լրագրողի առջև
Լիբանանում անկարգությունների ընթացքում տուժածների թիվը հասել է 226-ի
Վեհափառ Հայրապետը աղոթք բարձրացրեց առ Աստված նահատակ քաջորդիների հոգիների հանգստության համար
10:40
ԱՀԿ-ն հրապարակել է աշխարհում կորոնավիրուսից մահացության վերաբերյալ թարմացված տվյալներ
Քաղաքական հարցերի չեմ պատասխանում․ Նավասարդ Կճոյան
Մենք պարտք ունենք մեր հերոս նահատակների առաջ. Արմեն Սարգսյանի ուղերձը Բանակի օրվա առթիվ
Նիկոլ Փաշինյանն ու այլ պաշտոնյաներ այցելել են «Եռաբլուր»
Բանակի օրվա առթիվ «Եռաբլուր»-ում ծաղկեպսակ է դրվել ՀՀ նախագահի անունից

Հայաստանի հավաքականը՝ առանց Մխիթարյանի․ ցավալի կորուստ Վրաստանի դեմ խաղից առաջ

Հայաստանի ազգային հավաքականի ավագ Հենրիխ Մխիթարյանը չի կարող միանալ Հայաստանի ազգային հավաքականին առաջիկա հանդիպումներին մասնակցելու համար: Պատճառը կրկին կորոնավիրուսն է: Նոյեմբերի 6-ին Հայաստանի ֆուտբոլի ֆեդերացիան պաշտոնական գրություն էր ստացել «Ռոմա» ֆուտբոլային ակումբից, որում, հաշվի առնելով թիմի ֆուտբոլիստներից մեկի կորոնավիրուսի թեստի դրական պատասխանը, խորհուրդ էր տրվում Հենրիխ Մխիթարյանին ազատել Հայաստանի ազգային հավաքականին միանալու պարտավորությունից: Նոյեմբերի 7-ին «Ռոմա» ֆուտբոլային ակումբից ՀՖՖ ուղարկվեց Հռոմի շրջանային առողջապահական համակարգի կողմից գրված ևս մեկ նամակ, որում, հղում տալով Իտալիայում ընդունված առողջապահական նոր օրենքին, նշվում է, որ «Ռոմայում» ընդգրկված ֆուտբոլիստները չեն կարող մասնակցել ՈՒԵՖԱ-ի հովանու ներքո անցկացվող սպորտային որևէ միջոցառման մինչև կարանտինի ժամանակահատվածի ավարտը:

Ֆուտբոլիստները պետք է ինքնամեկուսանան ակումբի բազայում և չեն կարող լքել Իտալիայի սահմանները, հետևաբար, նաև միանալ իրենց երկրների հավաքականներին: Նշված օրենքը վերաբերում է ոչ միայն «Ռոմային», այլև, օրինակ, «Միլանին», «Ինտերին, «Ֆիորենտինային», «Ջենոային» այսինքն՝ բոլոր այն ակումբներին, որոնք ներկայացնում են Իտալիայում կորոնավիրուսի օջախի առավել մեծ տարածում ունեցող շրջանները:

Հենրիխ Մխիթարյանը պատրաստ էր և մեծ ցանկություն ուներ միանալու Հայաստանի ազգային հավաքականին՝ հաշվի առնելով առաջիկա երկու հանդիպումների կարևորությունը մեր թիմի համար: Ինչպես Հենրիխ Մխիթարյանը, այնպես էլ Հայաստանի ֆուտբոլի ֆեդերացիան, մի քանի օր շարունակ բանակցել են «Ռոմայի» հետ՝ փորձելով բացառության կարգով ապահովել մեր ավագի ժամանումը Հայաստան, սակայն ակումբից ևս մեկ անգամ հաստատել են, որ հարցի դրական հանգուցալուծումը կախված չէ իրենցից: Այսպիսով, Հենրիխ Մխիթարյանը չի կարողանա ժամանել Հայաստան և մասնակցել նոյեմբերի 15-ին կայանալիք Վրաստանի և 18-ին՝ Հյուսիսային Մակեդոնիայի հետ հանդիպումներում։ Վերջին շրջանում մեր հավաքականի ավագը փայլուն խաղ էր ցուցադրում «Ռոմայի» կազմում, և հույս ունեինք, որ նա արդյունավետությամբ աչքի կընկնի նաև մեր հավաքականի վճռորոշ հանդիպումներին։ Հիմա կարող ենք փաստել, որ Մխիթարյանը 2020 թվականին մասնակցեց մեր հավաքականի միայն երկու հանդիպումներին։ Մասնավորապես, մեր ավագի գլխավորությամբ Ազգերի լիգայում հոկտեմբերին ոչ-ոքի՝ 2։2 խաղաց Վրաստանի և 1։1 Էստոնիայի հետ։ Մինչ այդ, վերջին 6 հանդիպում Հայաստանի ազգային հավաքականն անցկացրել էր առանց Հենրիխ Մխիթարյանի։ Մասնավորապես, ծանր վնասվածքի պատճառով մեր հավաքականի ավագը չէր մասնակցել 2020 թվականի Եվրոպայի առաջնության ընտրական փուլի՝ հոկտեմբերին և նոյեմբերին կայացած Լիխտենշտեյնի, Ֆինլանդիայի, Հունաստանի և Իտալիայի հավաքականների հետ հանդիպումներին։ Վատ մարզավիճակի պատճառով էլ Մխիթարյանը հավաքականին չէր միացել սեպտեմբերին կայացած Հյուսիսային Մակեդոնիայի և Էստոնիայի դեմ խաղերին։ Դրանից առաջ Հայաստանի ազգային հավաքականի մարզաշապիկը Մխիթարյանը կրել էր անցյալ տարվա սեպտեմբերին Բոսնիա-Հերցեգովինայի դեմ մրցավեճում։

Նրա փայլուն խաղի շնորհիվ մեր հավաքականը տպավորիչ հաղթանակ էր տարել 4։2 հաշվով՝ հնարավորություն ստանալով պայքարելու Եվրոպայի առաջնության եզրափակիչ փուլի ուղեգրի համար։ Լիխտենշտեյնի և Ֆինլանդիայի դեմ մրցավեճերում Հայաստանի հավաքականն առանց Մխիթարյանի տապալվեց։ Դրան հաջորդեցին Հունաստանի և Իտալիայի դեմ խայտառակ հանդիպումները։ Խայտառակ մրցավեճերից հետո վերջնականապես համոզվեցինք, որ Հայաստանը, ըստ էության, ունի երկու տարբեր հավաքական. հավաքական՝ Հենրիխ Մխիթարյանով, և հավաքական՝ առանց Հենրիխ Մխիթարյանի։ Այո՛, տարիներ շարունակ բոլորս հույսներս դրել ենք Մխիթարյանի վրա՝ վստահ լինելով, որ նա, իր հետևից տանելով խաղընկերներին, կարող է հաղթանակներ կերտել։ Այո՛, շատ դեպքերում Մխիթարյանին հաջողվել է դա անել։ Ամենաթարմ օրինակը հենց Բոսնիայի հետ հանդիպումն է, բայց… Վրաստանի և Հյուսիսային Մակեդոնիայի հետ հանդիպումներում մեր հաղթելու հնարավորությունը զգալի նվազել է առանց թիմի առաջատարի։

Կարծում ենք՝ եկել է ժամանակը, որ մենք մտածենք մեկ հավաքական ստեղծելու մասին, որտեղ Մխիթարյանը կլինի առաջատար։ Ինչևէ, Ազգերի լիգայում խմբային փուլի ավարտից երկու տուր առաջ 5 միավորով երրորդն է ենթախմբում։ Մերոնք ընդամենը մեկ միավորով են զիջում 1-2-րդ հորիզոնականներում գտնվող Վրաստանին և Հյուսիսային Մակեդոնիային։ Վերջինիս առաջին տուրում 2։1 հաշվով զիջելուց հետո Հայաստանի հավաքականը Երևանում 2։0 հաշվով հաղթել էր Էստոնիային։ Այնուհետև մեր հավաքականը, նախ, ոչ-ոքի՝ 2։2 էր խաղացել Վրաստանի հետ, այնուհետև մրցավեճը 1։1 ավարտել էստոնացիների հետ։

Հեղինակներ
ՆՎԵՐ ՄՆԱՑԱԿԱՆՅԱՆ
ՆՎԵՐ ՄՆԱՑԱԿԱՆՅԱՆ
ԳՈՀԱՐ ՀԱՅՐԱՊԵՏՅԱՆ
ԳՈՀԱՐ ՀԱՅՐԱՊԵՏՅԱՆ
Արթուր Աղաբեկյան
Արթուր Աղաբեկյան
Ժիրայր Ոսկանյան
Ժիրայր Ոսկանյան
Բաժիններ
Ուղիղ
Լրահոս
Որոնում