Հյուսիսային Կորեայի իշխանությունները զգուշացրել են ռազմական նոր հարձակումների հավանականության մասին, եթե Հարավային Կորեայի իշխանությունները կրկին անցկացնեն «անմիտ ռազմական սադրանքներ»: Այս մասին հաղորդում է Reuters գործակալությունը` հղում անելով երկրի կենտրոնական հեռագրային գործակալության տարածած հաղորդագրությանը:
«Հյուսիսային Կորեան առանց որևէ երկմտանքի կանցկացնի հարձակումների երկրորդ և նույնիսկ երրորդ փուլերը, եթե հարավկորեական հրահրիչները չդադարեցնեն անմիտ ռազմական սադրանքները», – ասված է հաղորդագրությունում:
Հարավկորեական լրատվամիջոցները միևնույն ժամանակ հայտնում են, թե Փխենյանը մերժել է ԱՄՆ ղեկավարությամբ ՄԱԿ-ի ռազմական զորակազմի հրամանատարության առաջարկը` գեներալների մակարդակով բանակցություններ անցկացնել տարածաշրջանում իրավիճակի կայունացման ու ռազմական միջադեպի հանգամանքները պարզաբանելու համար: Հյուսիսային Կորեայի ղեկավարությունը «անօգուտ» է գնահատել նման բանակցությունների անցկացումը: