«Գանձասար-Կապան» ֆուտբոլային ակումբը ակումբը չի շարունակի ելույթները Հայաստանի ֆուտբոլի առաջնությունում` Vbet Պրեմիեր լիգայում:
Այս մասին հայտնում է առաջնության էջը: Ակումբի՝ ՀՖՖ ներկայացված գրությունը քննարկվել է ՀՖՖ Կարգապահական և Էթիկայի կոմիտեի նիստում և կանոնակարգի 33-րդ հոդվածի 3-րդ կետի համաձայն՝ որոշում կայացվել «Գանձասար-Կապան» թիմին հեռացնել VBET Հայաստանի Պրեմիեր լիգայի առաջնությունից, ՀՖՖ հովանու ներքո անցկացվող բոլոր մրցումների խաղերին մասնակցելու իրավունքից զրկել՝ հաջորդ մրցաշրջանում միայն Առաջին խմբի առաջնությունում հանդես գալու հնարավորությամբ:
Բացի այդ, հիմք ընդունելով ՀՖՖ Պրոֆեսիոնալ ֆուտբոլի մրցումների անցկացման կանոնակարգի 17-րդ հոդվածի 17.06- կետը՝ որոշվել է չեղյալ համարել և զրոյացնել «Գանձասար-Կապան» թիմի և մրցակից թիմերի կողմից կայացած խաղերի ընթացքում ձեռք բերված միավորները: