Tuesday, 26 01 2021
Tuesday, 26 01 2021
01:00
Բայդենը կարող է չեղարկել չինական ապրանքների ներմուծման մաքսատուրքերը
00:45
Բայդենը տրանսգենդերներին թույլատրել է ծառայել ԱՄՆ զինված ուժերում
00:30
Moderna-ն հայտնել է, որ իր պատվաստանյութն արդյունավետ կլինի Covid-ի նոր տեսակների դեմ
00:20
Իտալիայի վարչապետ Ջուզեպե Կոնտեն որոշել է հրաժարական տալ
Մանկատան նախկին շրջանավարտի բնակարանի հարցը լուծվել է
Լարսը բաց է բոլոր տեսակի մեքենաների համար
iPhone 12-ը կարող է առաջացնել բժշկական սարքավորումների խափանումներ
Արա Այվազյանը վերահաստատել է Հայաստանի հավատարմությունն ու նվիրվածությունը ԵԽ-ի որդեգրած սկզբունքներին և նպատակներին
Գերիների փոխանակման առաջին փուլից հետո Ադրբեջանը տարբեր պատրվակներով հրաժարվում է ավարտել գործընթացը. Ռուբինյանը՝ ԵԽԽՎ-ում
Զոհրաբյանը Եվրոպայի Խորհրդին կոչ է արել անել առավելագույնը հայ գերիներին հայրենիք վերադարձնելու համար
Մարսելի «Սուրբ Սահակ և Սուրբ Մեսրոպ» մշակույթի կենտրոնը հարձակման է ենթարկվել
23:15
Թուրքիայի հետ լարված հարաբերությունների ֆոնին Հունաստանը Ֆրանսիայի հետ կնքել է կործանիչների ձեռք բերման գործարք
23:10
Իշխանության մոտ չկա գիտակցում, որ իրավիճակը կրիտիկական է
23:00
ԱՄՆ Ֆինանսների նախարարի թեկնածուն կին է. նախատեսվում է Սենատի քվեարկությունը
22:45
Հունաստանը և Թուրքիան բանակցություններ են սկսում
Ստամբուլում զինված տղամարդը հարձակվել է երեք ռուսների վրա
Բարի տարեդարձ, Արցախի՛ հերոս. ԱՀ նախագահը՝ Կարեն Ջալավյանին
Այսօր հայկական դիվանագիտությունն անթույլատրելի պարտություն է կրել
22:10
Մեծ Բրիտանիան դիտարկում է լոքդաունի միջոցառումների մեղմացման հնարավորությունը
Աշխատավարձի բարձրացումը դատավորներին գայթակղությունից զերծ պահելու համար բավարար չէ
21:54
Մադրիդում խստացրել են պարետային ժամը և արգելել` հյուր գնալը
Խոշոր խաղացողները օբյեկտիվորեն կարող են ազդել շուկայի թանկացման վրա․ ՏՄՊՊՀ նախագահ
21:39
Եվրոպայի կենտրոնական բանկը կստեղծի կլիմայի փոփոխման կենտրոն
Կոռուպցիոն սխեման այս դեպքում էլ է աշխատելու․ նոր պրոթեզները խնդիրներ են առաջացնելու
21:20
Բելառուսում մեկնարկել է զինված ուժերի մարտական և մոբիլիզացիոն պատրաստվածության համալիր ստուգումը
21:10
ՆԱՏՕ-ի Ռազմական կոմիեի նիստը տեղի կունենա հունվարի 27-ին
Տղա ջան, եթե ի վիճակի չէիր նախարար աշխատել, հրաժարական տայիր․ ազատամարտիկները՝ Դավիթ Տոնոյանին
ԱԺ-ն խորհրդարանական լսումներ կանցկացնի գիտության թեմայով
Այն, ինչ ցուցադրվում է ֆիլմում, ինձ չի պատկանում. Պուտինը «Պուտինի պալատի» մասին
ՀՀ ԱԳՆ և ՅՈՒՆԵՍԿՕ-ի ղեկավարները քննարկել են ԼՂ հակամարտության գոտում հայկական ժառանգության պահպանումը

Հայաստանի հավաքականի առաջատարների բենեֆիսը Եվրոպա լիգայում

Ֆուտբոլի Հայաստանի ազգային հավաքականի առաջատարներ Հենրիխ Մխիթարյանը և Սարգիս Ադամյանը փայլուն ելույթով աչքի ընկան Եվրոպա լիգայի խաղարկությունում։ «Եվրոպայի լիգայի ամենաարագ գոլը՝ պատրաստված Հայաստանում»,- սոցցանցերի իր էջերում գրել է Մխիթարյանը:

Եվրոպայի լիգայի խմբային փուլի շրջանակում իտալական «Ռոման» սեփական հարկի տակ հյուրընկալել էր ռումինական «Կլուժին»: Հանդիպման հենց մեկնարկին Հայաստանի ֆուտբոլի ազգային թիմի ավագ Հենրիխ Մխիթարյանը գլխի հարվածով բացեց խաղի հաշիվը: Առաջին կեսի ընթացքում իտալական թիմին հաջողվեց ևս երկու անգամ գրավել մրցակցի դարպասը: Նախ աչքի ընկավ Իբանեսը, այնուհետ՝ Մայորալը: Վերջինս երկրորդ կեսում նաև դարձավ դուբլի հեղինակ: Մեկ անգամ էլ աչքի ընկավ Պեդրոն: Ի վերջո Պաուլո Ֆոնսեկայի սաներին հաջողվեց 5:0 հաշվով պարտության մատնել «Կլուժին» և միանձնյա գլխավորել A խումբը:

Ի դեպ, մեր հավաքականի ավագը ճանաչվել է այս մրցավեճի լավագույն ֆուտբոլիստ: Հատկանշական է, որ Հենրիխ Մխիթարյանը արդյունավետ խաղով աչքի է ընկնում նաև Իտալիայի ընթացիկ առաջնությունում։ Մասնավորապես, հայ կիսապաշտպանը գոլային փոխանցումների քանակով այս պահին լավագույնն է Ա սերիայում։ Մխիթարյանն արդեն իսկ կատարել է 4 գոլային փոխանցում: Այս հաշվարկում Մխիթարյանին հաջորդում են «Յուվենտուսի» ներկայացուցիչ Ֆեդերիկո Կյեզան, «Նապոլիի» հարձակվող Դրիս Մերտենսը, «Ինտերի» կիսապաշտպան Նիկոլո Բարելան, «Ֆիորենտինայի» պաշտպան Կրիստիանո Բիրագին, «Բոլոնիայի» կիսապաշտպան Ռոբերտո Սորիանոն և «Միլանի» ֆուտբոլիստ Ռաֆայել Լեաոն, որոնք կատարել են 3 գոլային փոխանցում:

Գերմանական «Հոֆենհայմն» էլ, որտեղ ելույթ է ունենում Ադամյանը, մրցեց «Սլովան Լիբերեցի» հետ: «Հոֆենհայմին» ևս հաջողվեց հաղթանակ տոնել խոշոր՝ 5:0 հաշվով: Սարգիս Ադամյանը «Հոֆենհայմի» մեկնարկային կազմում չէր, սակայն փոխարինման դուրս եկավ 61-րդ րոպեին և 15 րոպեների ընթացքում դարձավ դուբլի հեղինակ: Այս հաղթանակից հետո «Հոֆենհայմը» խմբի առաջատարն է: «Երկու գնդակ հեղինակելը հրաշալի է, սակայն ժամանակից առաջ անցնել պետք չէ: Եվրոպայի լիգայում սա դեռևս սկիզբն է: Մենք միայն երկու հանդիպում ենք անցկացրել, և ես ավելիի ակնկալիք ունեմ»,- Ադամյանի խոսքը փոխանցում է «Հոֆենհայմի» մամուլի ծառայությունը:

Նշենք, որ ծանր վնասվածքի պատճառով Ադամյանը ամիսներ շարունակ խաղադաշտ դուրս չէր եկել։ Վերադառնալով շարք՝ նա գոլային փոխանցման հեղինակ էր դարձել Բունդեսլիգայի «Վերդերի» դեմ մրցավեճում։ Փոխարինման դուրս գալով և դուբլ ձևակերպելով՝ Ադամյանը ապացուցեց, որ վնասվածքի պատճառով խաղային որակների անկում տեղի չի ունեցել։ Ուրախալի է, որ Մխիթարյանը և Ադամյանը արդյունավետ խաղ են ցուցադրում Հայաստանի ազգային հավաքականի այս տարվա վերջին երկու՝ վճռորոշ հանդիպումներին ընդառաջ։

Ազգերի լիգայի խաղարկության խմբային փուլի վերջին երկու տուրերում մեր հավաքականը նոյեմբերի 15-ին Թբիլիսիում մրցելու է Վրաստանի ընտրանու հետ, իսկ երեք օր անց Կիպրոսում հանդիպելու է Հյուսիսային Մակեդոնիային։ Այս պահին մերոնք ընդամենը մեկ միավորով են զիջում 1-2-րդ հորիզոնականներում գտնվող Վրաստանին և Հյուսիսային Մակեդոնիային։ Եթե առաջիկա երկու հանդիպումներում վաստակենք 6 միավոր՝ անկախ ենթախմբի մյուս հանդիպումներում գրանցված արդյունքներից, կզբաղեցնենք առաջին հորիզոնականը։

Ադամյանի և Մխիթարյանի արդյունավետ ելույթները հույսեր են ներշնչում, որ Վրաստանի և Մակեդոնիայի հետ հանդիպումներում մեր հավաքականի առջևի գծում տեղի կունենան դրական տեղաշարժեր։ Վերջին անգամ Սարգիս Ադամյանը Հայաստանի ազգային հավաքականի կազմում ելույթ է ունեցել անցյալ տարվա հոկտեմբերի 15-ին Եվրոպայի առաջնության ընտրական փուլի Ֆինլանդիայի դեմ արտագնա մրցավեճում։ Ազգերի լիգայի ընթացիկ խաղարկությունում համոզվեցինք, որ լուրջ խնդիրներ կան նաև մեր հավաքականի առջևի գծում։ Հոկտեմբերին տեղի ունեցած Վրաստանի և Էստոնիայի դեմ խաղերում Հայաստանի հավաքականն ուներ ըստ էության մեկ նոմինալ հարձակվող՝ ի դեմս «Տամբովը» ներկայացնող Ալեքսանդր Կարապետյանի։ Վճռորոշ հանդիպումներում Ադամյանի ներկայությունն իսկապես կարող է եղանակ փոխել։

Հայաստանի հավաքականին միանալուց առաջ Ադամյանը նոյեմբերի 8-ին «Հոֆենհայմի» կազմում Բունդեսլիգայի շրջանակներում պետք է մասնակցի «Վոլֆսբուրգի» հետ հանդիպմանը։ Նույն օրը «Ռոման» Ա սերիայի շրջանակներում մրցելու է «Ջենոայի» հետ։ Հայաստանի հավաքականի գլխավոր մարզիչ Խոակին Կապառոսը դեռևս չի հրապարակել Վրաստանի և Հյուսիսային Մակեդոնիայի դեմ հանդիպումներին հրավիրված ֆուտբոլիստների ցուցակը։

Հեղինակներ
ՆՎԵՐ ՄՆԱՑԱԿԱՆՅԱՆ
ՆՎԵՐ ՄՆԱՑԱԿԱՆՅԱՆ
ԳՈՀԱՐ ՀԱՅՐԱՊԵՏՅԱՆ
ԳՈՀԱՐ ՀԱՅՐԱՊԵՏՅԱՆ
Արթուր Աղաբեկյան
Արթուր Աղաբեկյան
Ժիրայր Ոսկանյան
Ժիրայր Ոսկանյան
Բաժիններ
Ուղիղ
Լրահոս
Որոնում