Քաղաքագետ Սուրեն Պետրոսյանը ֆեյսբուքյան իր էջում գրել է.
Հայաստանի Հանրապետության համար հայ մեկ զինվորի կյանքը երբեք համարժեք չէ մեկ այլ պետության՝ հատկապես Ադրբեջանի կամ Թուրքիայի մեկ կամ նույնիսկ հազար զինվորի կյանքին, ոչ միայն նրա համար, որ մենք մշտապես յուրաքանչյուր հայ զինվորի առավել ենք արժևորել, այլ նաև հաշվի առնելով բազմաթիվ այլ օբյեկտիվ պատճառներ։ Հետևաբար կարելի է փաստել, որ ՀՀ-ն կրել և կրում է ավելի շատ կորուստներ քան կողմերից որևէ մեկը։
Սա ամենևին չի նշանակում, որ մենք պետք է պատրաստ լինենք գնալու զիջումների, քանի որ, զիջումները կհանգեցնեն նոր կորուստների։ Սա ենթադրում է, որ մենք պետք է ունակ լինենք առերեսվելու իրականությանը և այդ իրականությանը համարժեք ձեռնարկել վճռական հաճախ նաև ռիսկային քայլեր, հակառակ դեպքում հյուծողական պատերազմի հետևանքով կշարունակենք կրել անհամաչափ և շարունակական կորուստներ։
Հետևաբար, ՀՀ վարչապետ Ն․ Փաշինյանի նամակը ուղղված ՌԴ նախագահ Վ․ Պուտինին (թեպետ այն վերաբերում է միայն ՀՀ տարածքային ամբողջականության սպառնացող անմիջական վտանգին) և հոկտեմբերի 30-ին Ժնևում տեղի ունեցած Հայաստանի և Ադրբեջանի ԱԳ նախարարների հանդիպումը, որն անցկացվեց ԵԱՀԿ Մինսկի խմբի համանախագահների և ԵԱՀԿ գործող նախագահի անձնական ներկայացուցչի մասնակցությամբ պետք է դիտարկել, որպես դիվանագիտական գործիքակազմի վերջին միջոցներ, իսկ այդ հանդիպման ընթացքում ձեռք բերված պայմանավորվածության չորս կետերից առաջինի (Միջազգային մարդասիրական իրավունքի համաձայն, կողմերը միտումնավոր չեն թիրախավորում խաղաղ բնակչությանը և ոչ ռազմական նշանակության օբյեկտները) չպահպանումը հայկական կողմի համար պետք է լինի բեկումնային կետը:
Քայլ 1․
Ադրբեջանի էներգետիկ ենթակառուցվածքի թիրախավորում (հատկապես պոմպակայանները)։ Այն կվերացնի, Ադրբեջանի, որպես Եվրոպայի էներգետիկ անվտանգության կայուն ապագայի երաշխավորի միֆը, որի միջոցով Եվրոպան փորձում է նվազեցնում է ՌԴ-ից էներգետիկ կախվածությունը։ Այն հատկապես մեծ ազդեցություն կունենա TAP-ի (The Trans-Adriatic Pipeline) 2020թ․ շահագործման հանձնման ֆոնին։ Միայն այս դեպքում կոչերը կարող են փոխարինվել իրական քայլերով ուղղված հարցի խաղաղ և բանակցային կարգավորմանը։
Հաջորդիվ քայլերի և հնարավոր բազմակողմանի վերլուծությանը կանդրադառնամ հաջորդիվ․․․
