Իրանական կողմը պայմանավորվածություն է ձեռք բերել Ռուսաստանի նոր կապալառուի հետ Իրանի հարավում գտնվող Հորմոզգան նահանգում «Սիրիկ» ՋԷԿ-ի կառուցման հարցում, և ծրագրի համատեղ իրականացումը կսկսվի շուտով: Այս մասին շաբաթ օրը հայտարարել է ծրագրի ղեկավար Բեհնամ Հաեֆինեժադը:
«Ռուսաստանի Էներգետիկայի նախարարությունը «Սիրիկ» ՋԷԿ-ի կառուցման համար նոր կապալառու է ներկայացրել: Ռուսաստանի այս ընկերության հետ բանակցությունները սկսվել էին տարեսկզբին»,- նրա խոսքերը մեջբերում է Իրանի էներգետիկայի նախարարության մամլո ծառայությունը: Ռուսական ընկերության անվանումը չի նշվում: