Կատալոնիայի իրավապահ մարմինները ձերբակալել են մի մարոկացու, որը գովաբանել է ահաբեկչությունը և կոչ արել նոր ահաբեկչություններ իրականացնելու: Այս մասին հայտնում է ՌԻԱ Նովոստին՝ վկայակոչելով գերատեսչության հայտարարությունը:
Նշվում է, որ մեղադրյալը սոցցանցերում կոչ է արել «պատասխան գործողություններ» իրականացնել, ինչպես նաև ողջունել է ֆրանսերենի ուսուցչի սպանությունը: Նա հայտարարել է, որ անհրաժեշտ է ազատվել նրանցից, ովքեր «պատշաճ հարգանք չեն ցուցաբերում իսլամի մարգարեի» Մուհամմադի նկատմամբ, որպեսզի ջիհադ իրականացնեն «մարգարեին պաշտպանելու» և «համաշխարհային խալիֆայություն հռչակելու համար»:
Տղամարդուն ձերբակալել են Բարսելոնայում: Նա վկայություն է տվել դատավորին և ազատ է արձակվել մինչև գործի քննությունը: Կասկածյալի անձնագիրն առգրավվել է. նա ամեն 15 օրը մեկ պետք է ներկայանա դատարան:
