Լուրեր
Ամուր թիկունք և անխոցելի հզոր պետություն. Երեխաները՝ հանուն զինծառայողների հիմնադրամի

Կրթության, գիտության, մշակույթի և սպորտի նախարարությունը 30-ից ավել հրատարակչությունների հետ Գաֆէսճեան արվեստի կենտրոնի պուրակում կազմակերպել էր գրքի տոնավաճառ, որից ստացված հասույթի 50-ից 100 տոկոսը փոխանցվելու է զինծառայողների ապահովագրության հիմնադրամին։

Փոխնախարար Նարինե Թուխիկյանն «Առաջին լրատվական»-ին փոխանցեց, որ մտահղացումն արագ է առաջացել, կապվել են հրատարակչությունների հետ, որոնք էլ իրենց հերթին կայծակնային արագությամբ հանաձայնություն են տվել գրքերի վաճառքից առաջացած ամբողջ կամ կես հասույթն ուղղել հիմնադրամին։ Թուխիկյանի խոսքով, սա ամենաքիչն է, որ իերնք կարող են անել սահմանին կռվող տղաներին օգնելու համար։

Վաճառվում էին տարբեր հրատարակչութոյւնների տպագրած գրքեր, բուկլետներ։

Երկու տղաներ սեփական նախաձեռնությամբ կատուների խնամքի մասին բուկլետներ էին պատրաստել, տպագրել և վաճառում էին։ Տղաները մեզ հետ զրույցում ասացին, որ ամբողջ հասույթը փոխանցվելու է հիմնադրամին և դա ամենաչնչին բանն է, որ իրենք կարող են անել։

Գրքերի տոնավաճառը լինելու է միայն այսօր, մինչև 18։00-ն։

Առավել մանրամասն՝ տեսանյութում

  • Դիտումներ՝ *