Արցախի կողմից Բերձորի հիվանդանոցը ռազմական նպատակներով օգտագործելու մասին Ադրբեջանի կառավարության հետ կապված «Hərbi Xəbərlər və Məlumatlar» ֆեյսբուքյան օգտահաշվի պնդումները կեղծ են և կարող են այս հիվանդանոցին ևս հարվածելու նախապատրաստություն լինել: Այս մասին «Թվիթեր»-ի իր էջում գրել է Արցախի մարդու իրավունքների պաշտպան Արտակ Բեգլարյանը:
«Ադրբեջանական “Hərbi Xəbərlər və Məlumatlar” ֆեյսբուքյան օգտահաշիվը, որն կապված է Ադրբեջանի կառավարության հետ, հրապարակել է նկարներ՝ պնդելով, թե իբր Բերձորի (Լաչին) հիվանդանոցն օգտագործվում է ռազմական նպատակներով։ Սա ամբողջությամբ կեղծ է և կարող է այս հիվանդանոցին ևս հարվածելու նախապատրաստություն լինել»,- գրել է Բեգլարյանը: