«Առաջին լրատվական»-ը շարունակում է աշխատանքը Արցախում և այժմ ներկայացնում է իրադրությունը թիկունքում:
Պատերազմական այս օրերին բաց է նաև «Նռենի» հուշանվերների խանութը: «Մեր ընկերները միավորվել են Հայ օգնության միության հետ և իրենց ներդրումն են արել՝ ըստ զինվորի պահանջի և ըստ իրավիճակի. քանի որ պատերազմը ձգձգվում է, պիտի հեռատես լինենք և նախապատրաստվենք»,- ասաց մեր զրուցակիցը:
Նրա խոսքով՝ այդ օժանդակություններն իրենք համադրում են բանակի հետ. «Նախապես ուսումնասիրում ենք՝ որտեղ ում ինչ է պետք, և Երևանի մեր ընկերներին անհրաժեշտ իրերի ցուցակ ենք ուղարկում»:
Հարցին՝ սփյուռքահայերը և՞ս ներգրավված են այս գործընթացներին, մեր զրուցակիցը պատասխանեց. «Չեմ կարծում, որ պիտի տարբերակենք. հիմա սա ամբողջ հայության պարտականությունն է: Բազմաթիվ նամակներ ունենք բազմաթիվ երեխաներից, որ տեղադրում ենք տուփերում և փորձում ենք այդ ուրախությունը փոխանցել մեր զինվորներին»:
Մանրամասն՝ տեսանյութում: