ԵՄ ղեկավարները դատապարտել են Թուրքիայի նախագահի վերջին սադրանքները, սակայն առնվազն մինչեւ դեկտեմբեր նրա դեմ ուղղված միջոցառումները չեն ծրագրում քննարկել:
Ինչպես գրում է AFP-ն, այս մասին հայտարարել է Եվրոպական խորհրդի նախագահ Շառլ Միշելը՝ հոկտեմբերի 29-ին ԵՄ առաջնորդների տեսահանդիպումից հետո:
Ըստ նրա, ղեկավարները վրդովված են Էրդողանի սադրանքներից և հռետորաբանությունից և դրանք անընդունելի են համարում, բայց նրանք Թուրքիայի դեմ որևէ միջոցառում չեն ծրագրում քննարկել մինչև դեկտեմբերին կայանալիք գագաթնաժողովը:
Հոկտեմբեր ամսվա սկզբին կայացած նախորդ հանդիպման ժամանակ ԵՄ-ում որոշել էին պատրաստվել Թուրքիայի հետ հարաբերությունների զարգացման լավագույն և վատթարագույն տարբերակներին: «Դեռևս Թուրքիան ցույց չի տվել դրական սցենարի համաձայն շարժվելու իր պատրաստակամությունը: Դեկտեմբերին մենք կանդրադառնանք այս հարցին»,- ասել է Շառլ Միշելը:
