ԱՄՆ նախագահ Դոնալդ Թրամփի վարչակազմը Կոնգրեսին ոչ պաշտոնապես տեղեկացրել է Արաբական Միացյալ Էմիրություններին (ԱՄԷ) F-35 ինքնաթիռներ վաճառելու մտադրության մասին: Այս մասին հայտարարել է ԱՄՆ Ներկայացուցիչների պալատի արտաքին հարաբերությունների հանձնաժողովի նախագահ Էլիոտ Էնգելը, փոխանցում է «Ինտերֆաքս»-ը:
«Այս տեխնոլոգիան էապես կփոխի Պարսից ծոցում ռազմական հավասարակշռությունը և կազդի Իսրայելի ռազմական գերազանցության վրա»,- ասված է զեկույցում:
Նշվում է, որ ավելի վաղ Կոնգրեսում դեմոկրատական կուսակցությունից երկու օգնականներ ասել էին, որ ԱՄԷ-ին վաճառքի համար նախատեսված զենքի փաթեթում ներառված են 50 F-35 ինքնաթիռներ, որոնց ընդհանուր արժեքը կազմում է մոտ 10 միլիարդ դոլար:
Սեպտեմբերին Reuters-ը հաղորդել էր, որ Միացյալ Նահանգների կառավարությունը փորձում է մինչև այս տարվա դեկտեմբեր համաձայնեցնել պայմանավորվածության տեքստն այն մասին, որը Արաբական Միացյալ Էմիրություններին թույլ կտա առանց Իսրայելի հետ հակամարտության մեջ մտնելու F-35 գնել: Քննարկվող գաղափարներից մեկը կայանում է նրանում, որ Արաբական Միացյալ Էմիրությունների օդուժի ինքնաթիռները իսրայելական ռադիոլոկացիոն կայանների համար ավելի տեսանելի պետք է դառնան: