Բելառուսի իշխանությունները, կորոնավիրուսի հետ կապված համաճարակաբանական իրավիճակի պատճառով, ժամանակավորապես սահմանափակել են Լեհաստանից, Լատվիայից, Լիտվայից և Ուկրաինայից ցամաքային սահմաններով մուտքը երկիր: Այս մասին հաղորդում է «ԲելՏա»-ն՝ հղում անելով Բելառուսի պետական սահմանային կոմիտեի պաշտոնական ներկայացուցիչ Անտոն Բիչկովսկուն:
Գերատեսչության ներկայացուցչի խոսքով, Մինսկը ժամանակավորապես սահմանափակում է ցամաքային անցակետերով մուտքը Բելառուսի տարածք՝ Լեհաստանից, Լատվիայից, Լիտվայից և Ուկրաինայից որոշակի կատեգորիաների ֆիզիկական անձանց համար:
Ըստ Բիչկովսկու, այս միջոցը ներդրվել է ելնելով այդ երկրներում առկա համաճարակային իրավիճակից:
Նա նաև տեղեկացրել է, որ Մինսկի ազգային օդանավակայանի անցակետը գործում է առանց այդ սահմանափակումների:
