«Կրակոցները սկսվել են գիշերվանից և այս պահին շարունակվում են: Դադար տալիս են մոտ 1-2 ժամ և նորից սկսում են ռմբակոծել»,- «Առաջին լրատվական»-ի հետ զրույցում առաջնագծում տիրող իրավիճակը ներկայացրեց այնտեղ գտնվող «Ազատամարտիկների դաշինք»-ի խորհրդի անդամ, գեներալ-լեյտենանտ Գագիկ Մելքոնյանը:
Նրա խոսքով՝ նրանք արդեն հասկացել են, որ անպատիժ են, դրա համար էլ հրադադար չկա. «Նրանք կայծակնային պատերազմ էին պատկերացնում և հույս ունեին, որ 3 օրում թե Արցախը, թե մնացած 7 շրջանները կգրավեն: Բայց իրենք ձախողվեցին իրենց պլաններում՝ արդեն 33-րդ օրն է, իրենք դեռ չեն հասել իրենց նպատակին ու չեն էլ հասնելու»:
Գագիկ Մելքոնյանը կարծում է, որ մենք պետք է սկսենք պարտիզանական կռիվներ, որպեսզի կարողանանք թիկունքը ջարդել. «Մեր ժողովուրդը պետք է հասկանա, որ պատերազմը ուժգնությամբ շարունակվում է, և ամեն մի հայ մարդ պետք է իր մասնակցությունն ունենա այս պատերազմին, ոչ թե նստենք հեռուստացույցի առաջ ու փնովենք այս ազգի համար կռիվ տվող մարդկանց: Կամ պիտի հաղթանակենք, կամ էլ՝ 1915 թիվը մեր աչքի առաջ է»:
Մանրամասն՝ տեսանյութում:
