Ռուսաստանի Դաշնության Առողջապահության նախարարության գլխավոր վարակաբան, պրոֆեսոր Վլադիմիր Չուլանովը լրագրողներին տված հարցազրույցում թվարկել է նոր տեսակի կորոնավիրուսի և Իսպանական գրիպի (որի համաճարակը տևեց 1918 թվականի հունվարից մինչև 1920 թվականը) տարածման ընդհանուր առանձնահատկությունները:
«Կորոնավիրուսի և իսպանական գրիպի տարածման մեջ կան նմանություններ … քանի որ դրանք շնչառական վարակներ են, որոնք փոխանցվում են օդակաթիլային եղանակով … Բայց կորոնավիրուսի համաճարակային ներուժն ավելի բարձր է, քան գրիպի վիրուսինը, … ինչպես կարելի է տեսնել տարածման ցուցիչից, որն առանց սահմանափակող միջոցների 4-5 է: Բացի այդ, վիրուսի վարակելիությունը շատ բարձր է, ուստի տարածվում է հեշտությամբ և այնքան արագ վերածվեց համավարակի», – ասել է մասնագետը:
