Վրաստանում խորհրդարանական ընտրություններին, որոնք կկայանան հոկտեմբերի 31-ին, 150 պատգամավորական տեղի համար կպայքարեն 50 կուսակցություններ, որոնք ներկայացրել են իրենց 5 հազար առաջադրվածներին:
Նախընտրական մարաթոնի ֆավորիտ է համարվում «Վրացական երազանք» կառավարող կուսակցությունը, որը հանրապետությունում իշխանության գլուխ է անցել 2012 թվականին։
Բացի 48 կուսակցություններից, որոնք ներկայացրել են իրենց թեկնածումների ցուցակները, առաջիկա ընտրություններին կմասնակցեն երկու ընդդիմադիր դաշինքներ, որոնք բաղկացած են տարբեր քաղաքական միավորումներից:
Դրանցից մեկը՝ «Ազգային միասնական շարժում» – «Ուժը մասնություն մեջ» միացյալ ընդդիմությունն է, որի հիմքը կազմում է նախկին նախագահ Միխեիլ Սաակաշվիլիի հիմնած «Ազգային միասնական շարժում» կուսակցությունը: Մյուս դաշինքն է «Գեորգի Վաշաձե – Ագմաշենեբելիի ռազմավարություն», որը միավորում է երեք կուսակցություններ:
Սոցիոլոգիական հարցումների համաձայն՝ առաջիկա ընտրությունների ֆավորիտ կարող է դառնալ «Վրացական երազանքը», որը հիմնել է միլիարդատեր Բիձինա Իվանիշվիլին: Եթե այն հաղթանակ տանի, ինչպես դա եղավ 2012 և 2016 թվականներին, ապա երրորդ անգամ կստանա ինքնուրույն կառավարություն կազմելու իրավունք: «Վրացական երազանքի» գլխավոր մրցակիցն ավանդաբար համարվում Է «Ազգային միասնական շարժումը», որը որոշել է ընտրություններին մասնակցել ընդդիմադիր դաշինքի կազմում:
Կառավարություն կազմելու իրավունք ստանալու համար կուսակցություններին անհրաժեշտ Է հավաքել ընտրողների քվեների առնվազան 40,54 տոկոսը: Այն դեպքում, եթե կուսակցություններից ոչ մեկը չհաղթահարի այդ շեմը, խորհրդարան մտած քաղաքական ուժերը պետք Է կազմեն կոալիցիոն կառավարություն: Եթե երկշաբաթյա ժամկետում դա տեղի չունենա, նախագահն իրավունք ունի արձակելու խորհրդարանը և նշանակելու արտահերթ ընտրություններ։