Չնայած ընտրություններին դեռևս մեկուկես տարի կա, բայց իշխող քաղաքական կուսակցությունները սկսել են կանխատեսումներով միմյանց հետ պայքար իրականացնել: Հիշեցնելով Քաջ Նազարի երևակայական նվաճումները` հոգեբան Կարինե Նալչաջյանից փորձեցինք հետաքրքրվել, թե այս կանխատեսումները ինչ անդրադարձ կարող են ունենալ ընտրազանգվածի վրա, ինչին ի պատասխան արձագանքեց. «Ընդունված խոսք կա չէ՞` երբ ավարտվում է ընտրությունները, սկսվում են հաջորդ ընտրություների նախապատրաստումները: Ընդհանրապես կանխատեսումները ինչ-որ չափով ազդեցություններ ուենում են հոգեբանական տեսակետից: Երբ ապագայի ինչ որ պատկեր է ներկայացվում մարդուն, դա որոշակի դիրքորոշում է ստեղծում, որ ապագան այդպիսին էլ կլինի: Ճիշտ է, այդ կանխատեսումները լիարժեք դիրքորոշում չեն ձևավորում, քանի որ ամեն ինչ առջևում է: Բայց ընդհանուր առմամբ, մարդկանց հոգեբանության վրա ազդում են»: