Հոկտեմբերի 27-ի երեկոյան Հռոմում տեղի են ունեցել զանգվածային ցույցեր ու հանրահավաքներ, որոնք վերաճել են բախումների իրավապահ մարմինների հետ: Բողոքի ցույցի մասնակիցներն իրենց բողոքն են արտահայտել կորոնավիրուսային համավարակի դեմ պայքարելու համար իշխանությունների կողմից կիրառվող սահմանափակիչ միջոցների դեմ: Ցուցարարներին ցրելու համար Հռոմի ոստիկանությունը հատուկ միջոցներ է օգտագործել, մասնավորապես՝ ջրցան մեքենաներ և լուսաձայնային նռնակներ՝ գրում է tvrain.ru-ն:
Բողոքական տրամադրությունների աճի պատճառը նոր սահմանափակող միջոցների ներմուծումն է և հնարավոր տոտալ արգելափակման մասին հայտարարությունը: Առայժմ իշխանությունները կարգադրել են փակել մարզադահլիճները, լողավազաններն ու կինոթատրոնները: Ռեստորաններն ու բարերը բաց են միայն մինչև 18:00: Ըստ Ջոնս Հոփքինսի համալսարանի՝ Իտալիան արձանագրել է ավելի քան կես միլիոն վարակման դեպք և 37,5 հազար մահ՝ կորոնավիրուսից:
